Prezentohet Strategjia për parandalimin dhe eleminimin e Punës së Fëmijëve në Komunën e Hanit të Elezit

      Mbi parimet e instrumenteve ndërkombëtare që sanksionojnë punën e fëmijëve  dhe në bazë të Udhëzimit Administrativ 17/2008 për Parandalimin dhe Eleminimin e Punëve më të Rrezikshme për Fëmijë në Kosovë, në vitin  2010 është nënshkruar memorandum mirekuptimi mes perfaqesusit te MPMS dhe kryetarit te komunës së Hanit të Elezit Rufki Suma.

      Mbi këtë bazë komuna e Hanit të Elezit ka formuar Komitetin Lokal për Monitorimin e Punës së Fëmijëve.

      Me qëllim të implementimit të kësaj strategjie Drejtoria e Shëndetësisë dhe Mirëqenies Sociale para Komitetit Lokal të Veprimit dhe Monitorimit të punës së Fëmijëve presentoi ,,Stategjinë për parandalimin dhe eliminimin e punës së fëmijëve.

    Drejtori I DSHMS, Safet Bushi  para anëtarëve të këtij komiteti tha se puna e këtij komiteti do të përqëndrohet në;identifikimin,vlerësimin mbrojtjen dhe parandalimin e angazhimit të fëmijëve në punë të rrezikshme sipas legjislacionit në fuqi.

      Ky komitet do të raportoj mbi situatën e punës së fëmijëve në cdo tre muaj në takime të rregullta e në raste të jashtëzakonshme edhe më shpesh.

    Naser Laçi kordinator në KLV,  në prezentimin e kësaj strategjije  tha se identifikim Formave të rrezikshme të punës së fëmijëve në komunë do të përqëndrohet në këto aktivitete;
Puna e natës (20:00 deri 06:00),-Ngritja dhe bartja e peshave të rënda (ngritje dhe bartje e kohëpaskohshme mbi 15 kg për djem dhe mbi 10 kg për vajza;  –   Ngritje dhe bartje e vazhdueshme mbi 10 kg për djem dhe mbi 5 kg për vajza,
  Punët që kërkojnë ekuilibër të posaqëm, Puna në thellësi dhe mjedise të mbyllura Puna e fëmijëve nën sipërfaqe të tokës, nën ujë dhe vende të mbyllura , Puna në lartësi (mbi 2 m) , Ekspozimi ndaj temperaturave ekstreme, ndaj zhurmës dhe dridhjes si dhe Ekspozimi ndaj substancave të rrezikshme (biologjike, kimike, fizike dhe toksike)
   Në këtë takim është prezentuar edhe plani i veprimit për parandalimin dhe eliminimin e punës së fëmijëve për vitin 2012, duke pasë si objektivë identifikimin e fëmijëve,vetëdijësimin e tyre si dhe shtrirjen e KVL-së nëpër fshatra me anëtarë të rinjë

      Me zbatimin e kësaj strategjije do të tentohet eliminimin progresiv të punës së fëmijëve, duke patur prioritet eliminimin e menjëhershëm të formave më të këqija të punës së fëmijëve deri në vitin 2016.