Procesi i planifikimit të buxhetit komunal, përmes pjesëmarrjes aktive të qytetarëve, ka një rëndësi të veçantë për një planifikim të drejtë dhe transparentë të menaxhimit me paranë publike dhe realizimit të projekteve kapitale.
Komuna e Hani i Elezit, e mbështetur nga LOGOS-i, realizoi një debat të madh me qytetarët në procesin e planifikimit të buxhetit përmes një komunikimi të drejtpërdrejtë , duke u dhënë mundësinë atyre që të informohen për procesin e planifikimit buxhetor dhe të propozojnë projektet me interes publik që duhet të përfshihen në listën e projekteve për investime kapitale.
Kryetari i komunës së Hanit të Elezit ,Rufki Suma para mbi 150 qytetarëve tha se pjesëmarrja e juaj në debatete për planifikimin e buxhetit komunal 2013 -2015 për Komunën e Hani i Elezit, ka një rëndësi të veçantë që ky buxhet të planifikohet mbi bazë të interesave të qytetarëve.
Ai me këtë rast bëri edhe një raport përmbledhës të të gjitha aktiviteteve të ekzekutivit të komunës së Hanit të Elezit në gjashtëmujorin e parë të vitit 2012.
Në vitin 2012 kemi filluar të realizojmë ato projekte për të cilat jemi pajtuar në debatet e vitit të kaluar tha z. Suma duke shtuar se në ndërkohë kemi arritur që listën e projekteve ta plotësojmë edhe me disa projekte të tjera të cilët i kemi përfituar falë ndihmës së donatorëve si LOGOS-i,USAIDI,UNDP-ja,si dhe nga grandet qeveritare , dhe besoj se deri në fund të vitit do të realizohen këta projekte .
Informatë rreth “Planifikimi i buxhetit komunal 2013-2015 për Komunën e Hani i Elezit ”, buxhetit të planifikuar për vitin 2012, si dhe ekzekutimin e buxhetit në gjashtë mujorin e parë dhe projekteve kapitale , shkallën e inkasimit të tatimit në pronë në lokalitete dhe fshatra ,para qytetarëve e prezantoi Drejtori i Drejtorisë për Buxhet dhe Financa z. Shabi Rexhallari.
Gjatë takimit nga qytetarë u organizuan edhe dy grupe punuese ,ai për investime kapitale dhe grupi për të hyrat vetanake ,puna e të cilëve rezultoi me shumë ide dhe propozime se si të arrihen objektivat e planifikuara si për vitin 2012 ashtu edhe planifikimin 2013-2015.
Në debat prezantuan përfaqësuesit e institucioneve komunale të Hani i Elezit , Kuvendit Komunal , përfaqësuesit e projektit LOGOS, partive politike, organizatave dhe shoqatave joqeveritare, punëtorë të arsimit, afaristë, fermerë, sportistë, përfaqësuese të shoqatave të grave, media dhe shumë qytetarë.
Zyra për Informim
