Hani i Elezit 27.02.2013
Komuna e Hanit të Elezit në mbështetje të projektit LOGOS, me qëllim të ngritjes së transparencës të shpenzimeve të parasë publike si dhe ngritjes së nivelit të pjesëmarrjes të qytetarëve në proceset e vendimarrjes organizoi debat publik me qytetarët e komunës së Hanit të Elezit me temën ;
,, Ekzekutimi i buxhetit komunal për vitin 2012”
Para afro 200 pjesmarrësve,përfaqësues të institucioneve komunale, partive politike, këshilltarë komunal, këshillave të fshatrave nga komuniteti i biznesit, profesorë e arsimtarë, përfaqësues të bashkësisë islame dhe organizatave jo qeveritare, kryetari i komunës Rufki Suma tha se komuna e Hanit të Elezit para qytetarëve do të jetë transparente, dhe për hargjimin e parasë publike qytetarët duhet që të jenë plotësisht të informuar. Sigurisht se organizimi i këtj formati të debateve publike në numër të madhë të pjesmarrësve është forma më e mirë që komuna e Hanit të Elezit në vazhdimësi të kërkojë nga ju të nderuar qytetarë që të jeni pjesmarrës aktiv në të gjitha proceset e vendimarrjes, duke participuar në debatet publike ku mendimet dhe këshillat e juaja do të jenë gjithmonë të mirëseardhuna.
Në këtë rast dua në veçanti të falemnderoj edhe partnerin tonë LOGOSI-in të cilët ndihmuan në organizimin e këtij debati, por se me lejoni që të falemnderoj edhe për përkrahjen e LOGOSI- t edhe në realizimine shumë projekte tjera si, ndërtimi i rrugës së tregut, renovimin e kulmit dhe dyshemesë në SHFMU,,Ilaz Thaçi”, ngrojhen qendrore në SHFMU,,Kështjella e Diturisë” në Paldenicë, përkrahjes zyrës për informim, zyrës për barazi gjinore, drejtorisë së shërbimeve Publike në planin për menagjimin e mbeturinave dhe implementimine projektit për furnizim me kontejner për të gjitha familjet e komunës e në shumë zhvillime të rëndësishme tha z. Suma.
Norbert Pijls Kordinatorë i Projekteve nga LOGOS-i tha se pjesmarrja e juaj në këtë numër në këtë takim vetëm sa dëshmon interesin e juaj për zhvillimet në komunën e e juaj.
Për LOGOS-in nga dhjetë komuna partnere tona, komuna e Hanit të Elezit ka dëshmuar përkushtimin e saj që me angazhime dhe veprime në mënyrën më të mirë të kontribuojë në mirëqenijen e juaj, dhe se për ne është komuna që më së mirë ka vendosur dialog të mirëfilltë me qytetarët e sajë.
Menduh Vlashi Kryesues i Kuvendit të Komunës para pjesmarrësve prezantoi punën e kuvendit gjatë vitit 2012. Ai tha se legjislativi i komunës gjatë vitit ka miratuar shumë dokumente të rëndësishme me të cilat jemi munduar që të jenë në interes të qyteatarëve të komunës. Përkundër shumë dyshimeve se si do të funksionojë një përbërje siq është kjo e komunës së Hanit të Elezit ku kryeatarë komune është një kandidate i pavarur, kemi dëshmuar një funksionim dhe bashkëpunim shumë të mire ndërmjet legjislativit dhe ekzekutivit të komunës theksoi Vlashi.
Në vazhdim të debatit drejtoria për buxhet dhe financa shpalosi ecurit e shpenzimeve të buxhetit të komunës për vitin 2012. Në prezentimin e Drejtorit të Drejtorisë Shabi Rexhallari, ishin të paraqitura të gjitha projektet e financuara nga komuna e Hanit të Elezit, nga donatorët e ndryshëm, si dhe particimi i komunës edhe në shumë projekte të bashkëfinancuara.Ai me këtë rast para qytetarëve në mënyrë të hollësishme në formë tabelare prezentoi të gjitha detajet se si është hargjuar buxheti i komunës, duke i ndarë në gjitha kategoritë, dhe numrin e projekteve të realizuara gjatë vitit .
Ai tha se vitin 2012 e kemi filluar me buxhet prej 1,686,726.00€ të cilave i janë shtuar edhe të hyrat vetanake të bartura si bilanc i pashpenzuar nga viti 2011 në shumë prej 87,958.30€ si dhe të hyrat nga Qeveria e Republikës së Kosovës në shumë prej 100,000.00€ për ta përmbyllur vitin me totalin e buxhetit për vitin 2012 në shumë prej 1,874,648.30€ . Nga ky buxhet për finansimin e projekteve kaptale ishin planifikuar 429,797.82€ ndërsa janë realizuar 1,189,037.95€ falë edhe donatorëve të ndryshëm të cilët kanë kontribuar me 759,240.13 dhe janë realizuar 26 projekte të ndyshëm në komunën e Hanit të Elezit.
Dhe që ky takim të merr formatin e një debati të mirëfilltë, u kujdesën pjesmarrësit të cilët me shumë pyetje dhe këshilla iu drejtuan panelistëve.Pas këtij prezentimi ky tubim eshtë shfrytëzuar që ekzekutivi i komunës të marrë edhe disa rekomandime nga qytetarët.
Të ndarë në grupe punuese, qytetarët dhanë një kontribut të veçantë me ide dhe propozime të cilat nga ekzekutivi i komunës u vlerësuan si shumë të arsyeshem dhe të cilat do të gjenden në rishikimin dhe planifikimet buxhetore për vitin 2014.
Në përmbyllje të këtij debate shumë të suksesëshëm me qytetarët e komunës së Hanit të Elezit kryetari i komunës Rufki Suma dhe Kordinatori i projetit LOGOS iu drejruan qytetarëve me kërkesë që të vazhdojnë të jenë pjesë aktive në procesin e vendimarrjes dhe zhvillimeve të Komunës. Kordinatori i projetit Norbert Pijls tha se ishte inkurajues fakti që grupet punuese kanë identifikuar shumë qështje të rëndësishme që do të ndihmojë komunën në të ardhmen. Ai inkurajoi qytetarët që edhe vetë të kontribuojnë në disa segmente të cilat u përmenedën në debat duke shtuar se do të organizohen edhe takime tjera në planifikimet për vitin e ardhëshëm.
Gjatë takimit të sotëm para pjesmarrësve u prezantua edhe kronika e bërë nga LOGOS-i dhe Televizioni i Kosovës ku komuna e Hanit të Elezit vlerësohet lartë për transparence dhe bashkëpunim me qytetarët e Komunës së Hanit të Elezit.
