Hani i Elezit 02.05.2014
Përmirësimi i gjendjes së sigurisë në komunikacionin rrugor, forcimi i disiplinës në qarkullimin rrugor dhe edukimi i pjesëmarrësve me rregullat e qarkullimit në komunikacionin rrugor për të gjitha grup-moshat, ishte objektivi i njësië së Policisë së Kosovës nga Stacioni Policorë në Han të Elezit me nxënësat e shkollës fillore “Ilaz Thaçi”në kuadër të fushtës së vetëdijësimit të të gjithë pjesmarrësve në komunikacion rrugorë.
Me qëllim të ngritjes së nivelit të sigurisë në trafik, parandalimit të aksidenteve, Policia e Kosovës me njësitet e saj ka marrë masa për përforcimin e shërbimeve të Policisë së Komunikacionit Rrugor në të gjitha akset rrugore.Përfshirja e nxënësve në këtë fushatë ka për qëllimi rritjen sigurisë më të madhe në rrugë me qëllim të rritjes së vetëdijes te pjesëmarrësit në komunikacion për shkak të numrit të madh të aksidenteve të trafikut, veqanërisht në kohën e fundit kur këto raste janë më të shpeshta.
Me këtë rast Policia e Kosovës përmes nxënësve të Hanit të Elezit të cilit ishin të veshur me Uniforma Policore kërkuan nga të gjithë pjesëmarrësit në trafik, përfshirë këmbësorët, e në veçanti drejtuesit e automjeteve, që të respektojnë shenjat e komunikacionit rrugor si dhe t’u përshtaten kushteve atmosferike gjatë ngasjes së automjeteve.
Qëllimi i këtij aktivitet është ngritja e vetëdijes të qytetarëve të Kosovës për zvogëlim të numrit të viktimave dhe aksidenteve të komunikacionit rrugor thanë zyrtarët policorë gjatë aktivitetit të tyre me nxënësat e Hanit të Elezit.
Zyra për Informim
