Procesi i Hartimit të Planit Lokal për Veprim në Mjedis po hyn në fazën përfundimtare të përgatitjes së aktiviteteve që do te mundësojë përzgjedhjen e një projekti për implementim si pjesë e marrëveshjes së përbashkët të Komunës së Hanit të Elezit dhe REC-it,kështu tha para qytetarëve të tubuar sot në debatin publik , Fatbardha Bushi, koordinatore e komunës në PLVM-së me rastin e prezentimit të Draft Dokumentit të Planit Lokal për Veprim në Mjedis
Për të arritur deri në këtë pikë është dashur që të kalojmë nëpër shumë faza të domosdoshme dhe punës së përbashkët të të gjithë anëtarëve të grupit punues për të shkruar profilin e komunës, për të vazhduar me vlerësimin e gjendjes mjedisore në mënyrë që të arrihet të identifikohen të gjitha problemet mjedisore dhe arsyet që çojnë deri te ato probleme.
Jeton Hetemaj,Koordinator i REC-it për Planin Lokal të Veprimit në Mjedis para qytetarëve prezentoi rëndësinë e hartimit të PLVM-së,si dhe qëllimin përfundimtarë të këtij projekti.
Trupi koordinues si dhe grupi punues në shume takime pune gjatë tërë kohës kanë angazhuar ,autoritet lokale,shoqërinë civile,njohës të qeshtjeve mjedisore si dhe ekspert të UN-Habitat-it,por është siguruar opinionin e banoreve të Hanit të Elezit lidhur me gjendjen mjedisore në këtë komunë, ku janë anketuar 500 persona të grupmoshave dhe gjinive të ndryshme për të rezultuar në përcaktimin për fushat prioritare që do te trajtohen në PLVM;
Komuna e Hanit të Elezit vlerësohet si komunë me industri të zhvilluar për prodhimin e materialeve ndërtimore ,por veçohet me probleme të shumat mjedisore ,ndër të cilat shqetësim më të madhë parqesin:
-Niveli i lartë i ndotjes së ajrit
-Cilësia e dobët e ujit të pijshëm
-Ndotja e lumit Lepencë dhe përrenjëve
-Mbeturinat e ngurta
-Dëmtimi i biodivesitetit.
Në debat me qytetarët u dhanë edhe propozime dhe rekomandime për zgjidhjen e këtyre problemeve.
Me qëllimin që faza e hartimit të PLVM-së të përfundojë me kohë, është propozuar që në agjendën e kuvendit,ky dokumentë të kalojë për aprovim në muajin maj. Kjo do të bëjë të mundur që faza e tenderimit dhe realizimit të projektit që del si prioritet, dhe që do të bashkëfinancohet nga REC dhe Komuna, të fillojë sa më herët që të jetë e mundur.
Zyra për Informim
