Hani i Elezit 03.10.2014
Pjesëtarë të kontingjentit Polak të KFOR-it i cili është në përbërje të Detashmentit të Përbashkët Rajonal të Jugut, realizuan një aktivitet humanitarë në komunën e Hanit të Elezit.
Kontingjenti Polak, solli Donacionin Humanitarë “Ndihmë për Fëmijët e Kosovës” në sasi prej 60 pakove të cilat iu dorëzuan Shoqatës “Hendikos” nga Hani i Elezit e cila do të kujdeset për shpërndarjen e tyre.
Sipas zyrtarëve të LMT-së të Hanit të Elezit të cilët ndërmjetësuan në këtë aktivitet humanitarë, këto pako përmbajnë veshje për fëmijë, lodra, si dhe material të ndryshëm shkollorë.
Ky aktivitet i pjesëtarëve të kontingjentit Polak të KFOR-it u plotësua edhe me një ngjarje sportive.Ata realizuan një ndeshje miqësore në futboll, ku për kundërshtarë patën zyrtarë nga Komuna e Hanit të Elezit anëtarë i së cilës ishte edhe kryetari i komunës Rufki Suma. Ndeshja përfundoi me fitoren e Polakëve, të cilët u kujdesën që për pjesëmarrësit në këtë ngjarje humanitare dhe sportive të ndajnë edhe “Mirënjohje”.
Ndërsa kryetari i komunës Rufki Suma me këtë rast në emër të Institucionit të Komunës së Hanit të Elezit dhe në emër të fëmijëve të cilët do të përfitojnë nga ky donacion, tha se falënderojmë përzemërsisht kontingjentin Polak të KFOR-it për kujdesin që të ndihmojnë komunën e Hanit të Elezit dhe për bashkëpunimin shumëvjeçarë të shkëlqyeshëm.
Zyra për Informim
