Hani i Elezit 13.08.2013
Përroi i Dimcës për shumë vite është konsideruar burim i vazhdueshëm i ndotjes në qytetin e Hanit të Elezit.Kostoja e lartë dhe mungesa e mjeteve financiare kanë shtyrë në vazhdimësi realizimin e këtij projekti.
Dhe si në disa raste tjera edhe për këtë projekt komuna e Hanit të Elezit gjeti mirëkuptimin e donatorëve që në këtë rast është CDF-ja (Community Development Fund) financuar nga Banka Botërore, në komponentën për financimin e projekteve të vogla të identifikuara nga komuniteti e cila ka për qëllim përmirësimin e cilësisë të infrastrukturës komunale dhe shërbimeve publike.
,,Rregullimi i shtratit të përroit të Dimcës" me vlerë financiare prej 121.388.oo€ është realizura falë bashkë investimit ndërmjet CDF-së e cila ka financuar këtë projekt me vlerë 68.800.oo €, komunës së Hanit të Elezit me vlerë prej 30.000.oo€ dhe Fabrikës së Çimentos ,,Sharrcem” e cila në këtë projekt participoi me 27.000 €.
Nermin Mahmuti Drejtoreshë ekzekutive e CDF-së tha se ky projekt ka qenë njëri ndër projektet me sfiduese të cilën e ka realizuar CDF-ja për shkak të shumë komponenteve si ekologjike,arkitektonike dhe infrastrukturore.Jemi shumë të lumtur që projekti është realizuar ashtu siq e kemi planifikuar dhe shpresojë se do të jetë në funksion të mirëqenijes të banorëve të Hanit të Elezit tha znj.Mahmuti.
Zyra për informim
