Komuna e Hanit të Elezit ka realizuar edhe një projekt të një rëndësie së veçantë për qytetarët e sajë.Tash së fundmi nëpër udhëkryqet më të rëndësishme dhe më të frekuentuara bien në sy kamerat e vendosura në kryqëzime dhe rrugë. Qëllimi i tyre është monitorimi lëvizjes së mjeteve dhe qytetarëve, për të parë shkeljet rrugore si dhe për të parandaluar, dokumentuar dhe ndërhyrë në ngjarje të ndryshme që do të kontribonin në sigurinë e përgjithshme të qytetarëve.
Projekti i monitorimit me kamera ishte propozim nga Këshilli Komunal për Siguri në Bashkësi dhe ishte miratuar nga Kuvendi i Komunës në listën e projeteve kapitale për implemntin gjatë vitit 2014.
Kryetari i komunës së Hanit të Elezit Rufki Suma gjatë vizitës në Stacionin Policorë në Han të Elezit edhe zyrtarisht e promovoi këtë projekt duke ju dëshiruar pjesëtarëve të Policisë së Kosovës punë të suksesëshme me dëshirë që ky projekt do të kontribojë në qëllimin e sajë.
Kryetari Suma me këtë rast tha se me këtë projekt është bërë një hap i rëndësishëm, lidhur me sigurinë, qarkullimin rrugorë si dhe një hap i rëndësishëm i prandalimit të cilitdo aktivitet që mundë të cenojë sigurinë e qytetarëve të komunës së Hanit të Elezit.
Ndërsa Komandanti i Stacionit Policorë në Han të Elezit Toger Nuhi Dema falënderoi Komunën e Hanit të Elezit për realizimin e këtij projekti. Ai tha se në kushtet kur stacioni Policorë i Hanit të Elezit ka kapacitete shumë të kufizuara të stafit policorë, ky projekt do të jetë ndihmesë e madhe për punën të cilën e bëjnë pjestarët e policisë në Han të Elezit. Ai tha se vendosja e kamerave është realizuar sipas vlerësimeve mbi të cilat kemi menduar se më së miri do të kryejnë funksionin e tyre, duke i mbuluar udhëkryqet, institucionet publike dhe rrugët hyrëse dhe dalëse nga Hani i Elezit tha togeri Nuhi Dema.
Kryetari Suma dhe Komandanti i Stacionit Policorë në Han të Elezit Toger Nuhi Dema ritheksuan edhe njëherë bashkëpunimin shumë të mirë ndërmjet këtyre institucioneve duke vë në pah nivelin shumë të ulët të rasteve të raportuar edhe përkundër faktit që Hani i Elezit është vendbanim kufitarë.
Të dy bashkëbiseduesit u dakorduan se sistemi i monitorimit me kamera përfshihet tashmë në sistemet moderne të monitorimit dhe të sigurisë sipas standardeve të vëndeve të BE-së duke pasur kujdes në ruajtjen e privatësisë me ç’rast janë të vendosura edhe shenjat informuese të egzistimit të këtyre kamerave.
Imazhet nga kamerat do të monitorohen nga stacioni i Policisë në Han të Elezit, dhe programi është i avancuar që të mund të bëhen edhe regjistrime kështu që për ndonjë nevojë mund të nxirren të dhënat edhe për një periudhë të mëhershme nëse duhet një gjë e tillë.
Zyra për Informim
