Hani i Elezit 30.01.2013
Caritasi i Luksembourg-ut përmes strategjisë,, Zbutja e varfërisë përmes zhvillimit të qëndrueshëm” 2011-2013’’dhe komuna e Hanit të Elezit , permes nënshkrimit të ,,Kontratës për Investime në Projekte të Përbashkëta”kanë realizuar një mori të projekteve në shumë fusha në fshatin Seqishtë si përfituese në procesin e konkurimit të zhvilluar nga ana e Caritas-it të Luksembourgut . Ky bashkëpunim i referohet sektorit të Arsimit,Shëndetësisë dhe Veprimtarive për Gjenerimin e të Ardhurave dhe do të zbatohet në fshatin Seqishtë.
Duke mbështetur sektorët e përmendur Caritas do të ndjekë qasjen e plotë dhe integruese në mënyrë që të zhvillojë komunitetin e fshatii Seqishtë,si dhe komunën e Hanit të Elezit në të mirë të të gjithë banorëve . Komuniteti i fshatit Seqishtë edhe këtë vit do të identifikojë prioritetet në sektorët e përmendur në përputhje me nevojat dhe aktivitetet e realizueshmërisë të cilat do të prezentohen dhe do të diskutohen me komunën në mënyrë që të jenë në përputhje me Strategjinë Zhvillimore
Në vazhdën e realizimit të këtyre projekteve në segmentin që i referohet sektorit të arsimit sot me një solemnitet rasti është përuruar ngrohja qendrore në shkollën e fshatit Seqishtë.
Në aktin e përurumit morri pjesë edhe kryetari i komunës Rufki Suma i cili vlerësoi shumë lartë bashkëpunimin e deritashëm me Caritasi-n i cili ka rezultuar me një përkrahje të fuqishme në shumë fusha të rëndësishme si sektori i arsimit , shëndetësië por edhe në sektorin e gjenerimit të të ardhurave duke inicuar ndërmarrësin individuale.
Gjatë ditës,Caritasi Certifikoi edhe 18 Arsimtarë të grupit klasorë pjesëmarrës në trajnimin e Programit Bazik 32 orë me temën ,, Forma të Reja të Mësimdhënies"
Nga këta , 13 mësimdhënës u trajnuan si pjesë e bashkëfinancimit nga Komuna e Hanit të Elezit.
Zyra për Informim
