Në Shkollën Fillore të Mesme e Ulët “Veli Ballzhi” në fshatin Gorancë sot është bërë përurimi i nxemjes qendrore, projekt ky i realizuar nga LAB-i në kuadër të bashkëpunimit të Komunës së Hanit të Elezit dhe Kompanis “Sharrcem-Titan Group” .
Projekti i ngrohjes qendrore i instaluar në këtë shkollë është projekt specific dhe shumë dimensional tha z.Hysen Shabani udhëheqësi i projektit LAB. Ai tha se lënda e parë, masa drurore e cila do të shfrytëzohet për ngrohje është siguruar nga një projekt tjetër përcjellës ai i pastrimit dhe rrallimit të pyjeve të afërta me fshatin Gorancë dhe se e tërë idea e këtij projekti do të ketë përveç aspektiti ekonomik në zvoglimin e shpenzimeve për ngrohje do të ketë edhe aspektin ekologjik, përkatësisht mbrojtjen e pyjeve. Masa drurore është sekondare e cila sigurohet nga pastrami I pyjeve dhe me pajisje të posaçme bluhet dhe e njejta do të shfrytëzohet për ngrohje.
Z.Shabani tha se efektet e këtij projekti priten të jenë afatgjate dhe presim që të ngritet vetëdija e nxënësve dhe komunitetit për mbrojtjen e pyjeve si pasuri e përbashkët. Kalldaja e ngrohjes është e veçantë e cila siguron ngrohje konstante dhe të programuar tha z.Shabani.
Në përurimin e këtij projekti ishin prezent edhe Drejtori I kompanis” Sharrcem Titan Group” z.Emmanuel Mitsou, nënkryetari i komunës z,Menduh Vlashi, Drejtori I DBPZHR z.Hajredin Gashi, Drejtori I DKA-së Irfan Qajani, z.Enver Curri udhëheqës i CSR e zyrtarë tjerë .
Pasi që vizituan pyjet e pastruara, në aktin e inagurimit z.Mitsou duke e cilësuar vehten si pjesë e komunitetit të komunës së Hanit të Elezit tha se është i vetëdijshëm se ka nevojë për shumë investime në shumë fusha, por i gëzohet faktit se ky projekt po realizohet në interest ë nxënësve të kësaj shkolle. Ai tha se përmes projektit LAB dhe në bashkëpunim me komunën e Hanit të Elezit për këto dy vite janë identifikuar shumë projekte të cilat janë implementuar me shumë sukses në sektorin e bujqësis. Shpresojmë se edhe ky projekt do të nxisë ide të reja për gjenerimin e vendeve të punës dhe zhvillim të komunës së Hanit të Elezit.
Ndërsa nënkryetari I komunës z.Menduh Vlashi falënderoi me këtë rast Drejtorin kompanis” Sharrcem Titan Group” z.Emmanuel Mitsou, për kontributin që kjo kompani po realizon përmes projektit të LAB-it në zhvillimin e komunës së Hanit të Elezit përkatësisht në sektorin e bujqësis . Nënkryetari Vlashi tha se komuna e Hanit të Elezit do të jetë partnere në të gjitha projektet të cilat do të identifikohen nga komuniteti në kuadër të bashkëpunimit me LAB-in.
Vlera financiare e këtij projekti është afër 40.000 € ndërsa edhe 20 familje kanë përfituar nga 4.5 kubik dru.
Realizimin e këtij projekti e ka bërë NPSH “Termolabi “ Ferizaj.
