Komuna e Hanit të Elezit në bashkëpunim me Programin e Mbështetjes së Planifikimit Hapsinorë Komunal (MuSPP), i financuar nga shteti Suedez përmes SIDA-s dhe implementuar nga UN HABITAT-i, sot përuruan dy projekte të rëndësishme të përbashkët dhe të bashkëfinancuara në përmirësimin e infrastrukturës dhe hapsirës së gjelbërt publike në komunën e Hanit të Elezit.
Në fshatin Gorancë, rregullimin e rrugës unazore gjatë së cilës është rregulluar kanalizimi i lagjes, shtrimi me kubëza betoni si dhe rregullimi i hapsirave të gjelbërta në këtë fshat dhe në fshatin Paldenicë po ashtu në rregullimin e infrstrukturës publike të këtij fshati.
Projektet përmbajë rregullimin e kroit publik së bashku me hapësirën përreth dhe qasjen drejt fshatit Paldenicë dhe vendbanimet tjera si dhe dhe rregullimin e hapësirës në qendrën e fshatit Gorancë së bashku me rregullimin e rrugës unazore. Të gjitha hapësirat e rregulluara ofrojnë banorëve të këtyre fshatrave si dhe të gjithe qytetarëve ofrimin e hapësirave të reja të rregulluara. Gjelbërimi si dhe mobileria urbane jenë elemente përmbajtësore të projektit në të dy lokacionet, duke përfshirë edhe rrugët për qasje të rregulluar urbane në Paldenicë dhe unazorja në Gorancë.
Gjatë vizitës të këtyre projekteve znj.Gwendoline Mennetrier, udhëheqëse e UN Habitat-it në Kosovë dhe kryetari i komunës Rufki Suma thane se këto projekte janë në vargun e shumë projekteve të përbashkëta të cilat janë realizuar gjatë këtyre viteve të bashkëpunimit
Kryetari Suma falënderoi në emër të qytetarëve të komunës së Hanit të Elezit, Programin e Mbështetjes së Planifikimit Hapsinorë Komunal (MuSPP), i financuar nga Qeveria Suedeze për kontributin e dhënë në zhvillimin e komunës së Hanit të Elezit. Kryetari Suma tha se edhe ky projekt është në vargun e shumë projekteve të përbashkëta të cilat janë realizuar gjatë këtyre viteve të bashkëpunimit. Ai tha se këto projekte janë realizuar kërkesën e komunitetit të fshatit Gorancë dhe Paldenicë për të përmirësuar infrastrukturën aktuale, për një qasje më të mirë në pronat e tyre si dhe të promovojmë qëndrueshmërinë e banorëve në këto fshatra.
