Dëgjimi i tretë u mbajt në fshatin Gorancë në SHFMU “Veli Ballazhi” duke filluar nga ora 11:00 dhe dëgjimi i katërt në fshatin Seçishtë në SHFMU “Ilaz Thaçi” – Paralelja në Seçishtë duke filluar në ora 13:30.
I pranishëm në të dy dëgjimet e fundit buxhetore ishte edhe i pari i Komunës z. Mehmet Ballazhi, i cili e pat fjalën hyrëse duke cekur rëndësinë e përfshirjes së qytetarëve në procese të planifikimeve buxhetore si dhe prezantoi planin e ndarjeve buxhetore për vitin 2025.
Në këto dëgjime, banorët patën mundësinë të shprehin propozimet e tyre mbi planet buxhetore me qëllim që buxheti i vitit 2025 të reflektojë kërkesat dhe nevojat e qytetarëve.
Komuna Hani i Elezit falënderon përzemërsisht të gjithë qytetarët/et që ishin pjesë e këtyre dëgjimeve.
Nëpërmjet një procesi gjithëpërfshirës të planifikimit buxhetor me komunitetin, do të sigurohet transparencë dhe llogaridhënie.
