Hani i Elezit 21.09.2012
Me mbledhje solemne Kuvendi i Komunës së Hanit të Elezit shënon 7-vjetorin e themelimit të Komunës së Hanit të Elezi.
Fjalën e rastit ne lidhje me historikun e themelimit e komunës së Hanit të Elezit e prezantoi Kryesuesi i Kuvendit z. Menduh Vlashi.
Të nderuar anëtarë të kuvendit, ish anëtarë, mysafirë dhe pjesëmarrës të këtij takimi ju përshëndes dhe ju uroj mirëseardhje ne kuvendin e Hanit te Elezit. Kjo mbledhje solemne po mbahet në 7 vjetorin e themelimit të komunës sonë dhe ne vigjilje te 100 vjetorit të pavarësisë së Shqipërisë.
Të nderuar të pranishëm Komuna e Hanit të Elezit u themelua më 22 shtator të vitit 2005 si Pilot Njësi Komunale si pjesë e decentralizimit në bazë të Udhëzimit administrative të UNMIK-ut nr.2005/11.
Bazuar në zgjedhjet lokale të vitit 2002 të mbajtura në Komunën e Kaçanikut duke përfshirë edhe Hanin e Elezit, OSBE bëri një raport mbi rezultatet e zgjedhjeve lokale në territorin e Hanit të Elezit me numrin e përafërt të banorëve. Pas kësaj dhe akteve tjera ligjore në nivel qendror arriti në përfundim se Kuvendi i Hanit të Elezit do të përbëhet nga 15 këshilltarë, dhe atë:
7 anëtar të PDK-së
7anëtar te LDK-së dhe
1 anetar i AAK-së
Me marrëveshje të partive politike për të qenë kuvendi sa ma gjithëpërfshirës PDK liroj një vend në Kuvend për përfaqësimin e Shoqatës së Veteraneve të Luftës dhe LDK një vend për Shoqatën bamirëse “Nëna Tereze”.
Anëtarët e pare të Kuvendit të Komunes së hanit të Elezit ishin:
Mallzum Qajani PDK
Mirsad Shkreta PDK
Shaban Qupi PDK
Latifete Ballazhi PDK
Nora Lusnjani PDK
Basri Dernjani PDK
Zylbehar hasallari LDK
Hyrjete Isufi LDK
Luljeta Thaçi LDK
Ahmet Kalisi LDK
Muzafer Dernjani LDK
Kadri Kuka LDK
Menduh Vlashi AAK
Rexhep Shkreta OVL UÇ
Halit Bushi SH.B. “N. Tereze”.
Mbledhja Inauguruese për konstituimin e Kuvendit u mbajt më 22 shtator 2005 në ora 1100.
Hapjen solemne te këtij takimi e beri Ministri i MAPL-së z. Lutfi Haziri.
Në ketë takim prezent ishin edhe Kryeministri i Kosovës z. Bajram Kosumi, z Larry Rosin PSSP-së, z. Xhelal Gashi kryetar i Komunës së Kaçanikut dhe banor të shumtë të komunës së hanit të Elezit.
Takimin e ardhshëm të kuvendit të komunës e thirri anëtari me i vjetër i kuvendit z. Kadri Kuka. Takimi u mbajt më 11 tetor 2005 ne të cilin takim u zgjodh kryetar i Kuvendit z. Mallzum Qajani ndërsa zv. Kryetar i kuvendit z. Menduh Vlashi.
Duke uruar për këtë përvjetorë Kryetari i komunës Rufki Suma tha se që nga konstituimi fillimisht si pilot njësi komunale e deri më sot Hani i Elezit ka marrë një pamje krejtësisht tjeter.
Është investuar në infrastrukturë gati të gjitha rrugët janë asfaltuar,janë rregulluar shumë kanalizime e trotuare, terene sportive e sallë të sporteve, është investuar në arsim , shëndetësi e shumë projekte në interes të qytetarëve të komunës sonë.
Falënderojmë të gjithë ata që kanë kontribuar që Hani i Elezit të themelohet si komunë dhe të cilët punuan në funksionalizimin e sajë të plotë tha z. Suma .
Me nga një fjalë rasti të pranishmëve iu drejtuan z. Mallzum Qajani si dhe . Kadri Kuka të cilët uruan ekzekutivin e komunës për të arriturat gjatë këtyre viteve.
Edhe shefat e grupeve të këshilltarëve z. Qamush Brava dhe z. Mersad Shkreta me nga një fjalë rasti revokuan ngjarjet dhe zhvillimet nëpër të cilën ka kaluar komuna e Hanit të Elezit deri në këtë përvjetorë.
Me rastin e ,, 22 Shtatorit Ditës së Themelimit të Komunës së Hanit të Elezit dhe 100 Vjetorit të Pavarësisë së Shtetit Shqiptarë” për kontributin e dhënë në themelimin e Komunës së Hanit të Elezit me kryetari i Komunës Rufki Suma nderoi me ,,Mirënjohje“ këshilltarin më të vjetër i cili ftoi seancën e parë të PNJK-së z, Kadri Kuka si dhe kryetarin e parë të Kuvendit të Komunës së Hanit të Elezit z. Mallzum Qajani.
Zyra për Informim
