Përkujtuam sot 25 vjetorin e prillit të vitit 1999 në Bllacë, i ishte i kobshme për shqiptarët e Kosovës, ishte kohë e zymtë që kishte ngrirë buzëqeshjet në fytyrat e shqiptarëve, ishte acar që po dobësonte trupat e tyre, e qindra mijëra shqiptarë nga e gjithë Kosova ishin drejtuar drejt kufirit me Maqedoninë, sepse dhunshëm po dëboheshin nga okupatori dhunues e i egër serb, duke u detyruar të lënë shtëpitë e tyre, e gjithashtu edhe jetën e tyre në mëshirë të fatit.
Një shprehje thotë, “Historia që harrohet, rrezikon të përsëritet”. Por, me angazhimin tonë, “Bllaca 99” do të jetë përherë pjesë e historisë tonë, duke investuar në të e duke e përkujtuar e përcjellur ngjarjen tragjike të saj tek brezat pas nesh, sepse vetëm duke i kujtuar, do ta mbajmë gjallë ndjenjën e atdhedashurisë dhe do të jemi gjithmonë vigjilent ndaj armiqve që aq shumë na deshën të ndarë e të spastruar etnikisht.
“Bllaca 99” është simbol i tragjedisë së shqiptarëve, por njëkohësisht është shenjë e qëndrueshmërisë shqiptare, e fatkeqësisht, edhe sot kur përkujtohet 25 vjetori i dëbimit me dhunë të shqiptarëve nga trojet e veta prej okupatoeit serb, vazhdon gjykimi i padrejtë i krerëve të UÇK-së, e mbesim me shpresë se në përkujtimin e vitit të ardhshëm, ata t’i kemi në mesin tonë.
Në fund, do të falënderoja Shoqatën për Kthimin e Shqiptarve të Shpërngulur nga Trojet e Veta për këtë organizim në kujtim të të gjithë atyre që përjetuan kohët e vështira të prillit 1999.
Pas rregulllimit të hapësirës gjelbëruese, parkut memorial, mbështetjes financiare për botimin e librit të promovuar sot mbi historinë e trishtë të prillit të vitit 1999 të ndodhur në Bllacë, angazhimi im si Kryetar i Komunës do të vazhdojë edhe më tutje tek memoriali “Bllaca 99”.
“Bllaca 99” gjithmonë në kujtimet tona!
