Hani i Elezit 16.04.2011
Projekti i regjistrimit të popullatës REKOS 2011 përfundoi me sukses në Komunën e Hanit të Elezit.
Ky ishte vlerësim i përbashkët i Komisionit për regjistrimin e popullatës i Komunës së Hanit të Elezit në takimin e fundit të cilin e kryesoi Kryetari i Komunës Rufki Suma në cilësin edhe të kryetarit të komisionit.
Në një përbledhje të gjithë aktivitetit 15 ditorë ,komisioni vlerësoi angazhimin e të gjithë pjesëmarrësve në këtë projekt shumë të rëndësishëm kombëtarë ,duke theksuar posaçërisht gadishmërin edhe të qytetarëve te cilët pa as një hezitim iu përgjigjen ftesës që ky projekt të përfundojë në tërësi dhe me sukses.
Ajo që posaçërisht u theksua ishte se i tërë ky projekt u zhvillua pa as një problem,ose refuzim për dhënie të informatave ,aq më tepër që edhe vetë qytetarët ne momente të caktuara i janë drejtuar komisionit për informata shtesë në mënyrë që të gjithë ata që i kanë plotësuar kushtet e parapara ligjore të përfshihen në regjistrim.
Për sa i përket rezultateve të këtij projekti ,komisioni ka vlerësuar se është në kufi të atyre të parashikuara dhe se për më shumë informata do të deklarohen në përputhje me afatet e parapara nga Komisioni Shtetërorë për Regjistrim.
Zyra për Informim
