Komuna e Hanit të Elezit po thuaj se e realizoi planin e të hyrave vetanake për periudhën Janar-Qershor 2016.
Shabi Rexhallari, Drejtorë për Buxhet dhe Financa në raportin e prezantuar në takimin e rregullt të bordit të drejtorëve tha se Komuna e Hanit të Elezit ka pasë trend rritës të të hyrave vetanake, për periudhën Janar – Qershor 2016 .
Ai tha se për periudhën Janar – Qershor 2016 janë arkëtuar 134,944.95 € apo 48.19% nga planifikimi i të hyrave për vitin 2016 që është në shumë prej 280,000.00 €.
Të hyrat e këtij gjashtëmujori kanë shënuar rritje për 14,364.40 € apo 11.91% në krahasim me periudhën e njejtë të vitit 2015.
Sa i përket llojit të të hyrave vetanake të hyrat nga tatimi në pronë janë arkëtuar në shumë prej 45,873.46 € apo 33.99% e të hyrave totale, ku në krahasim me periudhën e njejtë gjashtëmujore kanë shënuar rritje prej 16.98%, të hyrat nga ushtrimi i veprimtarisë biznesore janë arkëtuar në shumë prej 53,980.00 € apo 40.00% e të hyrave totale, të hyrat e urbanizmit dhe kadastrit janë arkëtuar në shumë prej 11,208.39 € apo 8.31% e të hyrave, të hyrat nga rexhistrimi i automjeteve janë në shumë prej 7,624.00 € apo 5.65%, të hyrat nga drejtoria e shërbimeve publike janë arkëtuar në shumë prej 5,519.00 € apo 4.09% e të hyrave vetanake, të hyrat nga participimet në shëndetësi në shumë prej 3,503.10 € apo 2.60%, të hyrat nga dokumentet zyrtare jane grumbulluar ne shume prej 3,072.00 € apo 2.28% dhe të hyrat indirekte (dënimet në trafik dhe nga gjykatat) janë mbledhur në shumë prej 4,105.00 € apo 3.04%, theksoi Drejtori i Drejtorise për Buxhet dhe Financa Shabi Rexhallari.
Këto të hyrat vetanake komunale janë realizuar në bazë të Ligjit për Financat e Pushtetit Lokal, Rregullores për Taksa, Tarifa dhe Ngarkesat Komunale, Rregullorës së Tatimit në Pronën e Paluajtshme si dhe dispozitave tjera ligjore të cilat përcaktojnë llojet e ndryshme të të hyrave komunale me të cilat komuna është e autorizuar dhe ka të drejtë t’i inkasoj.
Këto të hyra komuna pas grumbullimit ekskluzivisht i shpenzon për qëllime të realizimit të projekteve kapitale si, në infrastrukturë rrugore, në ujësjellës, kanalizime dhe investime e tjera në bujqësi, që thënë ndryshe këto mjete pas inkasimit menjëherë iu rikthehen qytetarëve apo tatimpaguesëve përmes formës së investimeve të destinuara për ngritjen e infrastrukturës komunale dhe mirëqenies sociale.
