Hani i Elezit 21.03.2013
Në kuadër të fushatës së vizitave të secilës komunë në Kosovë, Kryesuesi i Zyrës së Bashkimit Evropian në Kosovë, Samuel Zhbogar, sot vizitoi komunën e Hanit të Elezit, për t’u njoftuar për së afërmi me zhvillimet në këtë komunë.
Fillimisht, ai u takua me Kryetarin e Komunës së Hanit të Elezit, Rufki Suma, me të cilin diskutoi për zhvillimin ekonomik të komunës, rolin e BE-së në investimet në këtë komunë si dhe për të ardhmen evropiane.
Kryetari i komuës Rufki Suma duke uruar për mirëseardhje, tha se ndjehet i nderuar me vizitën e përfaqësuesit të Bashkimit Evropian në Kosovë, z.Samuel Zhbogar, dhe mundësinë e dhënë që për se afërmi të bashkëbisedojmë për të arrituarat dhe sfidat e komunës së Hanit të Elezit.
Duke dhënë një prezantim të shkurtë mbi themelimin e komunës së Hanit të Elezit si dhe duke bërë një pasqyrim të gjendjes momentale z. Suma tha se përkundër kapacitetit modest të buxhetit të komunës janë arritur shumë rezultate dhe zhvillime në këtë komunë . Këto të arrituar janë realizuar edhe falë ndihmës së donatorëve duke theksuar përkrahjen e fuqishme nga Zyra e Bashkimit Evropian me shumë projekte të realizuara në komunën e Hanit të Elezit tha z. Suma.
Përfaqësuesi i Bashkimit Evropian në Kosovë, Samuel Zhbogar, vlerësoi lartë përkushtimin e kryetarit Suma për menaxhimin e projekteve të shumta të realizuara në komunë. Ai deklaroi se ndjehet në veqanti i lumtur në vlerësimin e Kryetarit Suma se projektet e realizuara në këtë komunë kanë qenë në përputhje me nevojat e qytetarëve dhe janë mirëpritur nga ata.
Përfaqësuesi i Bashkimit Evropian në Kosovë, Samuel Zhbogar gjithashtu vizitoi bibliotekën e qytetit që është projekt i financuar nga Bashkimi Evropian, gjithashtu vizitoi edhe Shkollën e Mesme “Dardania” në Han të Elezit dhe bëri një shëtitje së bashku me Kryetarin e Komunës z. Suma nëpër qytetin e Hanit të Elezit .
Pas takimit , z.Zhbogar dhe z. Suma patën edhe një takim me gazetarët.
Përfaqësuesi Special i BE-së, Samuel Zhbogar ka thënë se pret arritjen e një marrëveshje në takimin e radhës më 2 prill, në Bruksel. Zhbogar ka thënë se kjo marrëveshje do të ndikonte në normalizimin e marrëdhënieve midis Prishtinës dhe Beogradit dhe se kjo marrëveshje do të jetë e qëndrueshme dhe se përfitues do të jenë të dyja palët. Sipas tij, një marrëveshje e qëndrueshme mund të jetë atëherë kur kemi fitues nga të dyja palët.“Për këtë arsye edhe përfaqësuesja e lartë nuk po dëshiron të imponojë zgjidhje. Dëshirojmë që të dyja palët të ndjehen përfituese dhe të kemi një zgjidhje të qëndrueshme”, ka thënë Zhbogar, Ai ka theksuar se nuk ka presion ndërkombëtar për të arritur deri te marrëveshja“Të dy kryeministrat kanë qenë shumë të qartë se nuk ka ndonjë presion ndërkombëtar. Mirëpo mund të ketë presion nga shtetet e tyre”, ka theksuar Zhbogar, duke shtuar se është një mundësi unike që të arrihet deri te një zgjidhje e cila do të lirojë një peshë nga kraharori i të dy kombeve.Arritja e marrëveshjes, sipas tij, do të normalizonte marrëdhëniet ndërmjet Serbisë dhe Kosovës.
Përfaqësuesi Special i BE-së, Samule Zhbogar mori pjesë edhe në tryezën e rrumbullakët të organizuar nga organizatat joqeveritare INPO nga Ferizaj, ku u diskutua për çështje të ndryshme të komunave të Kosovës juglindore.
Në tryezën e INPO-s ku morrën pjesë kryetarë e nënkryeatrë nga komuna e Kaçanikut,Shtimjes dhe Shtërpces u diskutuan problemet dhe sfidat e mëdha me të cilat tashmë përballen komunat e Kosovës, të tilla si mungesa e personelit të duhur, mungesa e financimit të mjaftueshëm dhe të infrastrukturës së pazhvilluar, mbi ngarkesa e administratës, nuk janë zgjidhur thjesht me bartjen e kompetencave nga niveli qendror tek komunat. Këto sfida me rëndësi thelbësore për cilësinë e jetesës së qytetarëve, po i imponojnë komunave të Kosovës nevojën e krijimit të mekanizmave dhe praktikave të reja dhe më efikase për ofrimin e shërbimeve që janë nën kompetencën e tyre.
Në përgjigje të sfidave të kësaj natyre shumë vende të Bashkimit Evropian kanë aplikuar konceptin e Bashkëpunimit Ndër-Komunal (BNK) që ka rezultuar si një metodë e suksesshme për ofrimin e shërbimeve komunale efikase dhe me kosto më të ulët administrative. Në Kosovë, Ligji për Vetëqeverisjen Lokale në Kapitullin V, lidhur me Bashkëpunimin Ndër-komunal dhe Marrëveshjet ndër-komunale përcakton të drejtën e komunave për të bashkëpunuar duke theksuar se "Komunat do të kenë të drejtë të bashkëpunojnë dhe të krijojnë partneritete me komunat tjera të Kosovës për të përfituar nga funksionet e interesit të ndërsjellët, në përputhje me parimet e Kartës Evropiane të Vetëqeverisjes Lokale dhe në përputhje me ligjet e Kosovës u tha ndër të tjera në këtë tryezë.
Zyra për Informim
