Hani i Elezit 07.12.2012
Filluan punimet në projektin ,, Rregullimi i shtratit të përroit të Dimcës". Ky projekt i cili kapë vlerë financiare prej 123.797.oo € do të realizohet falë bashkë investimit ndërmjet CDF-së e cila ka financuar këtë projekt me vlerë 68.800.oo €, komunës së Hanit të Elezit me vlerë prej 27.997.oo € dhe Fabrikës së Çimentos ,, Sharrcem” e cila në këtë projekt participon me 27.000.oo €.
Përroi i Dimcës për shumë vite është konsideruar burim i vazhdueshëm i ndotjes në qytetin e Hanit të Elezit.Kostoja e lartë dhe mungesa e mjeteve financiare kanë shtyrë në vazhdimësi realizimin e këtij projekti.
Mirëpo pas disa punimeve të cilat janë realizuar në këtë zonë , si rregullimi i murit mbrojtës të rrugës së Dimcës dhe rregullimi i kanalizimit për lagjet për skaj këtij përroi bënë që ky projekt të vihet në listë e projekteve prioritare për realizim për vitin 2012.
Dhe si në disa raste tjera edhe për këtë projekt komuna e Hanit të Elezit gjeti mirëkuptimin e donatorëve që në këtë rast është CDF-ja (Community Development Fund) financuar nga Banka Botërore , në komponentën për financimin e projekteve të vogla të identifikuara nga komuniteti e cila ka për qëllim përmirësimin e cilësisë të infrastrukturës komunale dhe shërbimeve publike.
Zyra për Informim
