Pas shumë investimeve të bëra në komunën e Hanit të Elezit ,ku përfituese janë pothuajse të gjitha fshatrat dhe vendbanimet e komunës , edhe banorët e fshatit Krivenik do ti gëzohen realizimit të një projekti në vitin 2012.
Kjo falë ,,Marrëveshjes së Mirëkuptimit për Bashkëfinancimin e Projektit ,,Shtrimi me kubëza betoni të rrugëve në fshatin Krivenik” e cila është nënshkruar ndërmjet të komunës së Hanit të Elezit dhe Ministrisë së Administrimit të Pushtetit Lokal.
Sipas marrëveshjes së nënshkruar MAPL-ja do të përkrahë komunën e Hanit të Elezit me 25.000.oo € për të realizuar këtë projekt.
Komuna e Hanit të Elezit është zotuar se do të krijoj të gjitha kushtet e nevojshme për realizimin e këtij projekti si dhe është zotuar se do të participojë nëse vlera e projektit tejkalon shumën e planifikuar.
Projekti në fjalë ka qenë në listën e projekteve të planifikuar për realizim për vitin 2012 duke u nisur prej synimeve tona që të investojmë në tërë komunën tha kryetari i komunës Rufki Suma.
Ashtu siç edhe i kemi planifikuar projektet , jemi në rrugë të mirë që ato ti realizojmë deri në fund të vitit. Në këtë rrugëtim tonin po gjejmë përkrahje dhe mirëkuptim si të donatorëve të huaj por edhe nga Qeveria e Kosovës siç është ky projekt , ku MAPL-ja është zotuar për përkrahje tha z. Suma.
Zyra për Informim
