Pata kënaqësinë të mirëpres Kolonel Federico Mora, Komandant i Komandës Rajonale Perëndimore (RC-W) të misionit të KFOR-it të udhëhequr nga NATO, me rastin e përfundimit të mandatit të tij në krye të këtij komande.
Kolonel Federico Mora, Komandant i Komandës Rajonale Perëndimore (RC-W) të misionit të KFOR-it të udhëhequr nga NATO.
Takimi ishte një mundësi për të shprehur mirënjohjen time të sinqertë për bashkëpunimin e shkëlqyer ndërmjet Komunës së Hanit të Elezit dhe KFOR-it, si dhe për të vlerësuar profesionalizmin, përkushtimin dhe kontributin e çmuar të Kolonelit Mora në ruajtjen e një mjedisi të sigurt dhe të qetë në Kosovë gjatë periudhës së komandimit të tij.
E falënderova Kolonelin Mora për shërbimin dhe angazhimin e tij, duke i uruar suksese në detyrat e ardhshme. Njëkohësisht, rikonfirmova përkushtimin e Komunës së Hanit të Elezit për të vazhduar bashkëpunimin e ngushtë me KFOR-in në funksion të paqes, sigurisë dhe mirëqenies së qytetarëve tanë.
