Hani i Elezit 17.08.2012
Vizita në varret e familjarëve ,me rastin e festimit të Fitër Bajramit është traditë e shumë familjeve .Në pragë të kësaj feste, punëtorë të angazhura nga Zyra për Punë dhe Mirëqenije Sociale të Komunës së Hanit të Elezit si dhe vullnetarë tjerë janë angazhuar në pastrimin varrezave të qytetit të Hanit të Elezit . Therrat, shkurret dhe barojat e këqija janë hequr dhe ato kanë marrë një pamje krejt tjetër.
Jetojmë në shekullin e zhvillimit marramendës të shoqërisë në pëgjithësi, por kujdesi ndaj varrezave, si monumente të trashëgimisë kulturore e shpirtërore duhet të jetë i përhershëm. Të shpresojmë se aksioni për pastrimin dhe mirëmbajtjen e varrezave do të vazhdojë edhe pas festës së Fitër Bajramit, sepse në këtë mënyrë tregohet respekt ndaj atyre që më nuk gjenden në mesin tonë.
"Varrezat janë një element shumë i rëndësishëm i popujve të civilizuar. Ato janë hallkat që lidhin brezat e historisë. Në rast se nuk ke varreza, nuk ke histori. Nuk ke jetuar, nuk ke kontinuitet, nuk je asgjë", thotë në shkrimet e saj Nermin Vlora Falaski.
Zyra për Informim
