Hani i Elezit 14.11.2011
Kryetari i komunës Rufki Suma është qytetari i parë i cili pajiset me pasaportë biometrike në Zyrën Komunale të Regjistrimit Civil të Hanit të Elezit.
Në një pronocim rasti z.Suma tha se me hapjen e ZKRC në komunën e Hanit të Elezit, qytetarëve po ju ofrojmë edhe një shërbim shumë të rëndësishëm ,atë të marrjes se dokumenteve personale,dhe shpresojmë se në një të ardhme shumë të afërt do ta zgjerojmë gamën e shërbimeve edhe me regjistrimin e automjeteve.
Mexhait Kalisi kordinatorë në ZKRC, tha se interesimi i qytetarëve për tu pajisur me dokumente personale është evident dhe se vetëm gjatë këtyre dy javëve kemi patur mesatarisht nga dhjetë kërkesa në ditë për tu pajisur me letërnjoftime apo pasaporta biometrike.Ai tha se koha për marrjen e këtyre dokumenteve është afërsisht një javë deri dhjetë ditë.
Me këtë rastë z.Kalisi tha se të gjithë qytetarët e komunës së Hanit të Elezit të cilët kanë aplikuar deri më 2 Nëntorë 2011 në ZKRC-në e Komunës së Kaqanikut dokumetet e tyre do ti tërhjekin në Kaqanik.
Për të gjithë qytetarët të cilët kanë humbur dokumentet personale duhet të lajmrohen në ZKRC-në e komunës së Hanit të Elezit,dhe pas deklaratës dhënë në stacionin policorë në Komunën e Hanit të Elezit mund të fillojnë procedurë pë nxjerrjen e dokumenteve të reja.
Po sot, Drejtori i Drejtorisë së Administratës në Komunën e Hanit të Elezit, Fari Kalisi ka njoftuar se Ministria e Punëve të Brendshme –Agjencioni i regjistrimit civil në mënyrë pozitive i është përgjigjur kërkesës nga kjo Drejtori për korigjimin e të dhënave në bazën elektronike të të dhënave të regjistrimit të gjendjes Civile.
Në interpretimin e këtij agjencioni,bazuar në Ligj dhe normat standarde gjuhësore ,Departamenti i Teknologjisë Informative do të bëjë korigjimin dhe plotësimin në bazën e të dhënave ;
-Në vendë Han i Elezit të shenohet Hani i Elezit
-Të futen vendbanimet dhe të regjistrohen ,Vërtomicë dhe Neçavcë,si dhe
-Emri i vendbanimit Seqishtë duhet të shënohet Seçishtë.
Zyra për Informim
