Pas përmbylljes me sukses të projektit të vendosjes së tabelave të emërtimeve të rrugëve, në të gjitha fshatrat dhe vendbanimet i realizuar nga Komuna e Hanit të Elezit, Agjencia Kadastrale i Kosovës (AKK) dhe financuar nge Qeveria e Norvegjis, Kryetari i komunës Rufki Suma sot nënshkroi “Memorandum Mirëkuptimi “ me të cilën në kuadër të këtij projekti do të vendosen edhe numrat në të gjitha objektet e banimit, objektet afariste dhe objekte tjera të përcaktuara me Udhëzimet Administrative.
Sipas këtij memorandumi AKK-ja do të ofrojë udhëzime të përgjithshme metodologjike për Komunën për vendosjen e numrave të adresave në përputhje me Ligjin e Sistemit të Adresave dhe Udhëzimeve Administrative të zbatueshme, ofrojë asistencë teknike për Komunën, duke përfshirë ekspertizë, trajnime, publikimin e materialeve dhe aktiviteteve të tjera për ndërtimin e kapaciteteve për të mbështetur në realizimin e këtij projekti.
Komuna e Hanit të Elezit merr përgjegjësin për realizimin teknik të projektit i cili duhet të realizohet në fillim të vitit të ardhshëm.
Projekti do të financohet nga Qeveria e Norvegjisë
