Ftesës “Ejani të zgjedhni përfaqësuesit e vendbanimit tuaj” edhe banorët e fshatit Paldenicë iu përgjigjen në mënyrën më të mirë për të zbatuar në praktikë “Rregulloren për organizimin dhe bashkëpunimin e komunës me Fshatrat, Vendbanimet dhe Lagjet Urbane në territorin e komunës së Hanit të Elezit”. Komunitetet lokale që i popullojnë fshatrat, pjesët urbane dhe vendbanimet kanë një rolë të rëndësishëm në politikë-bërjen komunale andaj zgjedhja e “këshillit lokal” dhe “udhëheqësve të këshillave lokale“do të ju mundësoj fshatrave, lagjeve urbane dhe vendbanimeve të marrin pjesë në vendimmarrjen komunale, të shprehin nevojat e tyre të veçanta dhe të jenë të informuara mirë lidhur me aktivitetet komunale.
Zyrtarizimi i kësaj mardhënje do të realizohet në përputhje me rregulloren e miratuar në vitin 2012 nga Kuvendi i Komunës së Hanit të Elezit e cila është hartuar në bashkëpunim të ngushtë me përfaqësuesit e tanishëm lokal, dhe në bashkëpunim me Asociacionin e Komunave të Kosovës, Ministrinë e Administrimit të Pushtetit Lokal dhe me përkrahjen e LOGOS-it.
Banorët e fshatit Paldenicë janë të radhës të cilët në praktikë implementuan dispozitat e rregullores së re dhe në një proces demokratik zgjedhën këshillin e ri lokal dhe udhëheqësin e këshillit.
Ashtu siç është paraparë me rregullore, banorët me propozimin e tyre vendosën që këshilli i fshatit Paldenicë të përbëhet prej 7 anëtarëve të cilët u votuan me vota të mbyllura nga lista e 9 të propozuarve. Me shumicë votash banorët e fshatit Paldenicë vendosën që për mandatin e ardhshëm tre vjeqarë këtë fshat ta përfaqësojë këshilli i zgjedhur në këtë përbërje:
1.Xhevahir Dernjani –Kryetarë i Këshillit Lokal
2.Sadam Dernjani -Anëtarë i Këshillit Lokal
3.Gafurr Dernjani – Anëtarë i Këshillit Lokal
4.Nejazi Ramuka – Anëtarë i Këshillit Lokal
5.Asllan Krasniqi – Anëtarë i Këshillit Lokal
6.Avni Thaqi – Anëtarë i Këshillit Lokal
7.Burhan Bela – Anëtarë i Këshillit Lokal
Për mbarëvajtjen dhe sigurimin e procedurave demokratike për zgjedhjen e këshillit të ri të fshatit Paldenicë është kujdesur komisioni i themeluar me vendimin e Kuvendit të Komunës së Hanit të Elezit .
Zyra për Informim
