OSBE përkrahë fuqizimin e gruas në proceset e vendimmarjes

 OSBE  këtë trajnim  e organizoi  edhe në Komunën e Hanit të Elezit  me grupet joformale të grave nga Komuna e Hanit të Elezit dhe  Komuna e Kaçanikut.

   Në emër të komunës së Hanit të Elezit pjesmarrëset e këtij projekti i përshëndeti Kryesuesi i Kuvendit të Komunës së Hanit të Elezit z.Menduh Vlashi. Ai ndër të tjerat tha se bashëpunimi i komunës së Hanit të Elezit me Zyrën Regjionale të OSBE-së tashmë ka një traditë  shumë të mirë dhe këtë trajnim e konsiderojmë vazhdimësi të bashkëpunimit. Tema e cila trajtohet sot gjithsesi është e mirëseardhun në përpjekjet tona të përbashkëta për fuqizimin e rolit të  gruas në proceset vendimarrëse tha z. Vlashi

  Lidhur me projektin “Fuqizimi i pjesëmarrjes së grave në nivelin lokal në të gjitha komunat e Kosovës” pjesmarrëseve iu drejtua znj.Sadete Tërrnava e cila tha se ky projekt është vazhdimësi e projektit të mëparshëm “Ngritja e pjesëmarrjes së grave në proceset vendimmarrëse në rajonin e Gjilanit” dhe si temë është përzgjedhur si rekomandim i kësaj punëtorie

    Ligjeruesi në këtë punëtori Drejtori i OSBE-së në Gjilan, z.Ulrich Biffar, tha se ky trajnim është organizuar për të rritur mundësitë e komunikimit të grave në përgjithësi dhe në veçanti komunikimin e tyre me qytetarët, audiencën apo elektoratin.

  Në komunikim ka rol të rëndësishëm edhe dukja para të tjerëve, veshja, buzëqeshja, qëndrimi në skenë. Drejtori Bifar në prezantimin e tij shkoqiti  në detaje llojet e komunikimit, mënyrën e komunikimit, standardet dhe  protokollet e komunikimit zyrtar e politik si dhe sjelljet që duhet t’i ketë një politikane para qytetarëve.

   Ndërsa nga pjesmarrëset në këtë trajnim u tha se këto trajnime janë mundësi e mire për të zhvilluar shkathtësinë në komunikim, janë të mirëseardhura për proceset në vijim gjatë zhvillimeve politike, por edhe të komunikimit me qytetarë, media dhe komunikim zyrtar .