Hani i Elezit 22.10.2012
Zyra Regjionale e OSBE-së në Gjilan, së bashku më grupet jo formale të grave nga komuna e Hanit të Elezit dhe Kaçanikut organizuan “Punëtorinë për hartimin e planit të veprimit në fuqizimin e gruas në proceset e vendimmarrjes”
Qëllimi i kësaj punëtorie është diskutimi mbi hartimin e planit të veprimit në fuqizimin e gruas në proceset e vendim marrjes në komunën e Kaçanikut dhe Hanit të Elezit.
Në këtë punëtorinë e cila ishte e mbështetur nga Zyra Regjionale OSBE-së në Gjilan ,pjesmarrës ishin përfaqësuese të grupeve jo formale të grave nga komuna e Kaçanikut dhe të Hanit të Elezit, të cilat kishin rastin e shkëmbimit të përvojave në fushën e përfaqësimit gjinorë dhe të proceseve vendim marrëse.
Grave pjesëmarrëse në këtë takim iu drejtua Drejtori i Zyrës Regjionale të OSBE-së z. Urlich Bifar i cili tha se këto punëtori duhet të na inkurajojnë të gjithë neve sepse ky është rastë ku mund të shohim shqetësimet e grave për proceset vendim marrëse, dhe mendoj se gratë duhet të japin mendimet e tyre për këto procese. Ai është zotuar se do të jetë në përkrahje të plotë të këtij grupi dhe do të bashkëpunojnë në mënyrë që ato të organizohen sa më mirë dhe ti përfaqësojnë interesat e të gjitha femrave në komunë.
Z. Bifar ka siguruar gratë e këtyre dy komunave për mbështetje në nismat që do të ndërmarrin, duke besuar se fuqizimi i gruas në proceset e vendim marrjes është një indikatorë i demokratizimit dhe emancimpit të një shoqërie.
Artan Binaku zyrtarë i zyrës së OSBE-së tha se ky mision do të vazhdojë mbështetjen për grupet e grave në shqyrtimin dhe përmirësimin e mëtejmë në fushën barazisë gjinore dhe për të ndihmuar në rritjen e vetëdijesimit në aspektin gjinor nga institucionet lokale.
Grave pjesëmarrëse në këtë punëtori me fjalë përkrahëse iu drejtua edhe nënkryetari i komunës Muzafer Dernjani duke thënë se do të jetë në përkrahje të plotë të këtij grupi dhe do të bashkëpunojë në mënyrë që ato të organizohen sa më mirë dhe t’i përfaqësojnë interesat e të gjitha femrave në komunë.
Zyra për Informim
