Ky program kishte për qëllim edukimin joformal të të rinjve, nxitjen e përgjegjësisë dhe forcimin e komunitetit përmes angazhimit vullnetar dhe përfshirjes së sektorit privat.
Komuna e Hanit të Elezit ishte partnere direkte e këtij projekti, ku nxënësit vullnetarë nga Gjimnazi “Dardania” realizuan me sukses aktivitetet e planifikuara. Në kuadër të projektit, 45 nxënës vullnetarë u angazhuan për një ditë pune në 26 biznese lokale, duke grumbulluar një fond prej rreth 710 eurosh për kauza komunitare, në një edicion që dëshmoi qëndrueshmëri të lartë me rikthimin e shumë bashkëpunëtorëve të viteve të kaluara dhe bashkimin e të rinjve.
Në përmbyllje të projektit, nga fondi i mbledhur u realizuan disa investime dhe aktivitete të rëndësishme, përfshirë zbukurimin dhe gjelbërimin e oborrit të Gjimnazit “Dardania” përmes mbjelljes së luleve të reja dhe ngjyrosjes së vazove, duke krijuar një ambient më të gjallë dhe më të ngrohtë për të gjithë komunitetin shkollor, neper komunitet also
Përmes këtij angazhimi, të rinjtë përfituan një përvojë të vlefshme praktike, duke dhënë njëkohësisht një kontribut të çmuar për qytetarët tanë. Falënderojmë OJQ “TOKA”, Gjimnazin “Dardania” dhe bizneset lokale për këtë bashkëpunim, duke mbetur plotësisht e hapur për bashkëpunime në të ardhmen
