Hani i Elezit 29.02.2012
Në kuadër të projektit të financuar nga EU për ,,Zhvillimin e Turizmit në Regjionin Lindje të Kosovës” komuna e Ferizajt si bartëse e projektit dhe komuna e Hanit të Elezit si partnere në këtë projekt nënshkruan ,,Memorandum Mirëkuptimi” për zhvillimin e turizmit në Regjionin Lindje të Kosovës.
Ky projekt do të financohet nga Unioni Evropian dhe do të menaxhohet nga Zyra Ndërlidhëse e Komisionit Evropian, ndërsa do të implementohet nga komuna e Ferizajt në partneritet me komunat e Kaçanikut, Hanit të Elezit, Shterpcës, Vitisë dhe Klokotit.
Qëllimi i këtij projekti është zhvillimi i turizmit në Rajonin Lindorë të Kosovës ,të ndërtojë dhe të lidhë shumëanshmërinë ekzistuese të potencialit turistik si dhe të krijojë bashkëveprim në mes të objekteve të ndryshme turistike në gjithë rajonin.
Projekti ka filluar me aktivitet me 2 shkurt 2012 dhe do të zgjasë 20 muaj.
Me këtë projekt synohet zhvillimi rajonal ,ekonomik i Rajonit të Lindjes përmes promovimit të zhvillimit të objekteve lokale të turizmit si dhe promovimi i produkteve vendore tradicionale bujqësore dhe artizanale.
Promovimi i atraksioneve turistike përmes zhvillimit dhe botimit të broshurave ,udhërrëfyesve turistikë,vendosjen e tre qendrave informuese ndërkomunale,shenjëzimi i vendeve turistike ,organizimi i festivaleve dhe panaireve të ndryshme ,janë disa nga aktivitete e planifikuara me këtë projekt.
Secila komunë e Kosovës ka vlera të cilat mundë ti prezentojë si para qytetarëve tanë ashtu edhe atyre të huaj që dëshirojnë të vizitojnë vendin tonë,tha kryetari i komunës Rufki Suma gjatë nënshkrimit të marrveshjes me përfaqësuaesit e komunës së Ferizajt.
Edhe komuna e Hanit të Elezit ka të trashëguara vlera historike e arkeologjike,por ka edhe monumente të ndërtuara që vlejnë të prezentohen.Në këtë drejtim do të bashkëpunojmë në mënyrë që ky projekt të arrij qëllimin e saj në promovimin e vlerave autoktone të secilës komunë në veçanti,por edhe Rajonit të Lindjes në përgjithësi.Nuk duhet me çdo kusht që para donatorëve të kërkojmë vetëm asfallt e beton,por duhet të gjejmë edhe forma tjera për zhvillim ekonomik siç është në këtë rastë zhvillimi i turizmit tha z. Suma.
Zyra për Informim
