Hani i Elezit 29.01.2014
Me aktin formal të nënshkrimit nga kryetari i komunës së Hanit të Elezit Rufki Suma dhe kryetari i komunës së Kaçanikut Besim Ilazi, këto dy komuna nga Republika e Kosovës së bashku me Qytetin e Shkupit dhe komuna e Gjorgje Petrovit nga Republika e Maqedonisë, zyrtarizojnë aplikimin për konkurim për fondet e paraaderimit të Komisionit Evropian IPA.
Pas punës intensive të grupeve punuese, është harmonizuar koncepti i projekt propozimit me të cilat këto komuna e vendosin “Pastrimin dhe revitalizimin e shtratit të lumit Lepencë” si projekt të përbashkët.
Duke respektuar kriteret e thirrjes së Komisionit Evropian, bartëse e projektit nga pala Maqedone do të jetë Qyteti i Shkupit ndërsa nga pala Kosovare do të jetë komuna e Hanit të Elezit, ndërsa komuna e Kaçanikut dhe Gjorgje Petrovit do të jenë partnere në projekt.
Kryetarët Rufki Suma dhe Besim Ilazi, pas nënshkrimit të aplikacionit thanë se janë në njohuri se për këto fonde gjithmonë është konkurrencë e madhe, dhe se vetëm projektet e hartuara mirë dhe të qëndrueshme kanë gjasa të plotësojnë standardet e thirrjes së Komisionit Evropian, mirëpo ky ishte rast i mirë që të identifikohen projektet e përbashkëta ndërmjet komunave ndërkufitare.
Edhe z.Lovren Markiç,Shefi i Departamentin për bashkëpunim ndërkombëtar dhe bashkëpunim me OJQ-të dhe fondacionet nga Qyteti i Shkupi, u shpreh shumë i knaqur me rastin e nënshkrimit të përbashkët të këtij aplikacioni. Ai tha se për të ardhur deri te ky projekt i përbashkët, para se gjithash është dëshmuar vullneti politik dhe gadishmëria e të katër komunave për tu angazhuar dhe bashkëpunuar në interes të përbashkët. Ai falënderoi kryetarin Suma për angazhimin personal për këtë projekt-aplikacion.
Zyra për Informim
