Organizata joqeveritare Advocacy Training and Resource Center- ATRC dhe Komuna e Hanit të Elezit përmes nënshkrimit të kësaj Marrëveshje mirëkuptimi pajtohen që të bashkëpunojnë në kontribuimin dhe zhvillimet demokratike në Kosovë duke mbështetur fuqizimin e rolit të qytetarëve në vendim– marrje, kontribuimit në përmirësimin e marrëdhënieve në mes të shoqerisë civile dhe autoriteteve komunale dhe lehtësimin e mekanizmave të qeverisë lokale për angazhim të qytetarëve që do të rezultojnë me rritjen e efektivitetet të shërbimeve publike.
Ky projekt tetë mujorë është i financuar nga Ambasada Amerikane në Prishtinë, me titullin: “Fuqizimi i komunave dhe qytetarëve në zhvillime demokratike”
Sipas marrëveshjes, dy institucionet e lartpërmendura janë dakorduar në parim në lidhje me bashkëpunimin në mes tyre dhe vendosën që të:
1. Bashkëpunojnë dhe mbështesin njëra – tjetrën në arritjen e qëllimit të projektit: rritjen e përfshirjes së qytetarëve në procesin e krijimit të buxhetit komunal.
2. Përfaqësuesit e komunës në përgjithësi, Drejtorive Komunale dhe Komiteteve në veçanti marrin pjesë në trajnimet a planifikuara në temën: ”Qeverisja me Pjesëmarrje”, “Involvimi i qytetarëve në Vendim-marrje në nivel lokal” dhe “Buxhetimi me Pjesëmarrje”
3.Zyrtarët komunal marrin pjesë në draftimin e udhërrëfyesit “Pjesëmarrja qytetare në vendim-marrje në nivel lokal”.
4.Pjesëmarrje të zyrtarëve komunal në tryezën e rrumbullakët për të prezëntuar udhërrëfyesin "Pjesëmarrjen qytetare në vendim-marrje në nivel lokal”.
“Marrëveshjen e Mirëkuptimit “ e nënshkruan në emër të Komunës së Hanit të Elezit, Kryetari i Komunës Rufki Suma, ndërsa në emër të ATRC-së z. Kushtrim Kaloshi, Drejtorë Ekzekutiv.
Zyra për informim
