Sot nënshkruam një marrëveshje bashkëpunimi mes Komunës Hani i Elezit dhe kompanisë Sharrcem, me ç’rast u bë edhe ceremonia e pranim-dorëzimit të një autoambulance me të gjitha pajisjet e nevojshme nga Sharrcem për Qendrën Kryesore të Mjekësisë Familjare në Han të Elezit, e cila do të shërbejë për të ofruar shërbime edhe më efikase ndaj qytetarëve tanë.
Ky donacion është i një rëndësie të madhe, ku tashmë do të ketë edhe një autoambulancë për rastet urgjente e që uroj të jenë sa më të pakta në numër.
Falënderoj kompaninë Sharrcem që çdo herë është pranë komunitet të Hanit të Elezit.
Gjithashtu falënderoj edhe Alba Group me pronar Sherif Ramuka, të cilët gjithashtu gjatë ditës së sotme dhuruan disa aparatura mjekësore në QKMF.
