Hani i Elezit 15.07.2011
Komuna e Hanit të Elezit dhe Qendra Rajonale për Mjedisin për Evropën Qendrore dhe Lindore (REC) nënshkruan marrveshje bashkëpunimi për ,,Hartimin e Planit Lokal për Veprim në Mjedis”
Me dëshirë që së bashku të kontribojnë në aplikimin e parimeve për zhvillim të qëndrueshëm dhe për të kontribuar në përmirësimin e kushteve të jetës për qytetarët në Komunën e Hanit të Elezit për sa i përket mbrojtjes së mjedisit dhe planifikimit përkatës,dhe për të konfirmuar zgjedhje të përbashkëta dhe role aktive në mbrojtje të mjedisit,ruajtjes së natyrës dhe zhvillimit të përbashkë të infrastrukturës.
Ky bashkëpunim do të realizohet në përputhje me Metodologjinë e zhvilluar nga REC në bashkëpunim me Institutin për Qëndrueshmëri të Komuniteteve Vermont USA brenda projektit të implementuar nga REC në bashkëpunim me Agjencinë Suedeze për Bashkëpunim Ndërkombëtarë.
Bashkëpunimi do të zhvillohet në përputhje me planin e punës që nënkupton financim të përbashkët për projekte prioritare ku REC do të kontriboj në shumë deri në 40.000 € duke ofruar materialin e nevojshem ,paisjet,punë ose shërbime tjera pavarsisht numrit të projekteve të propozuara ose projekteve që do të realizohen,ndërsa Komuna e Hanit të Elezit me 20.000 €.
Këtë Marrveshje Bashkëpunimi e nënshkruan ,në emër të REC Dr. Zeqir Veselaj Drejtor dhe në emër të Komunës së Hanit të Elezit ,Nënkryetari i Komunës Muzafer Dernjani.
Duke komentuar këtë marrveshje z.Dernjani tha se projekte të kësaj natyre ku në theks do të kenë mbrojtjen e mjedisit për Hanin e Elezit do të jenë gjithmonë të mirëseardhuna ,duke pasë parasysh shkallën e lartë të ndotjes së ambientit me të cilë përballen për qdo ditë qytetarët e Komunës sonë.
Zyra për Informim
