Sot pata kënaqësinë të nënshkruaj marrëveshjet me 7 organizata përfituese të subvencioneve në fushën e sportit dhe kulturës, duke konkretizuar mbështetjen e Komunës së Hanit të Elezit për aktivitetet që promovojnë talentin, kreativitetin dhe zhvillimin e jetës sportive e kulturore në komunën tonë.
Përmes këtyre marrëveshjeve janë ndarë gjithsej 43,000.00 euro, prej tyre 35,000.00 € në fushën e sportit dhe 8,000.00 € në fushën e kulturës, të shpërndara si në vijim:
Klubi Futbollistik “Sharri” – 17,000 €
Klubi i Mundjes “Sharri” – 2,000 €
Klubi i Mundjes “Dardania” – 5,000 €
SHKA “Sharri” – 8,000 €
Klubi i Karatesë “Sharri” – 2,000 €
Klubi i Futbollit “Sharri” 2016 – 2,000 €
Klubi i Volejbollit “Sharri” – 7,000 €
Jam i bindur se këto mjete do të shërbejnë për fuqizimin e klubeve dhe OJQ’ve lokale, duke krijuar më shumë mundësi për të rinjtë, sportistët dhe artistët që me punën dhe sukseset e tyre e përfaqësojnë me dinjitet Hanin e Elezit.
Mbështetja për sportin dhe kulturën mbetet ndër prioritetet e qeverisjes sonë, sepse investimi në këto fusha është investim në rininë, talentin dhe të ardhmen e komunës sonë.
Uroj që të gjitha organizatat përfituese t’i shfrytëzojnë këto mjete me përgjegjësi dhe t’i kthejnë ato në rezultate, aktivitete cilësore dhe suksese të reja për Hanin e Elezit.
