Hani i Elezit 08.03.2012
Nënkryetari i komunës së Hanit të Elezit ,Muzafer Dernjani, priti në takim pune znj.Claudia Specht-Mohl udhëheqëse e Projektit Menaxhimi i Tokave/Kadastër në kuadër të projektit për bashkëpunim ndërkombëtarë Gjerman GIZ.
Takimi kishte karakter njoftimi lidhur me ecurinë e bashkëpunimit të GIZ-it dhe komunës së Hanit të Elezit .
Znj.Specht- Mohl njoftoi z. Dernjani se është shumë e kënaqur me bashkëpunimin me komunën e Hanit të Elezit duke u nisur nga fakti se zyra kadastrale e komunës së Hanit të Elezit është zyre e posaformuar dhe me shumë sukses është duke iu përgjigjur sfidave dhe kërkesave që kërkohen nga kjo zyre.
Jemi në dijeni me të gjitha nevojat dhe problemet e komunës suaj dhe se në këtë rrafsh do të keni përkrahjen tonë në fushën e ndihmës profesionale për zyrën kadastrale.Ndihma jonë do të vazhdojë në konsolidimin e të dhënave egzistuese kadastrale dhe pajtueshmëria e tyre me librat e regjistrimit dhe situatën reale.
Jemi në dijeni me të gjitha nevojat dhe problemet e komunës suaj dhe se në këtë rrafsh do të keni përkrahjen tonë në fushën e ndihmës profesionale për zyrën kadastrale.Ndihma jonë do të vazhdojë në konsolidimin e të dhënave egzistuese kadastrale dhe pajtueshmëria e tyre me librat e regjistrimit dhe situatën reale.
Duke falemnderuar znj.Specht-Mohl për vizitën dhe përkrahjen e GIZ-it për komunën e Hanit të Elezit, z. Dernjani tha se zyra kadastrale është një ndër shërbimet më të rëndësihme që ne ju ofrojmë qytetarëve tanë.Bashkëpunimi në këtë fushë me ju ka qënë në momentin më të duhur dhe ju jemi shumë mirënjohës.Komuna e Hanit të Elezit do të mbetet e përkushtuar që nga bashkëpunimi me ju të arrij qëllimin e duhur në profesionalizimin e stafit si dhe adoptimin e metodologjive të reja në këtë drejtim.
Drejtori i drejtorisë për urbanizëm dhe kadastër, Miqail Vila dhe znj. Specht- Mohl u dakorduan për perspektivën e bashkëpunimit të mëtutjeshëm, të zyrës Kadastrale dhe GIZ-i .
Në mënyrë që punët e kërkuara gjeodete të kryhen shpejt dhe me kosto më efektive, projekti ka përgatitur një studim me qëllim të prezantimit të Sistemit të Pozicionimit Gjeografik dhe në këtë drejtim të planifikojmë trajnime, sidomos në trajnimin e stafit për përdorimin e sistemit GPS, që tashmë është standard në vendet fqinje u pajtuan bashkëbiseduesit.
Gjatë vizitës në zyrën e kadastrit znj.Specht-Mohl dhuroi një skaner për nevojat e kësaj zyreje.
Zyra për Informim
