Hani i Elezit 25.04.2013
Në kuadër të bashkëpunimit të “Sharrcem"-it dhe komunitetit të Hanit të Elezit, janë realizura disa projekte në përmirësimin e infrastrukturës shkollore dhe sigurisë së nxënësve të shkollës fillore të mesme të ulët “ Ilaz Thaçi”.
“Sharrcemi” në bashkpunimin me udhëheqësinë e shkollës fillore “Ilaz Thaçi” aprovuan disa projekte për përmisimin e infrastruktures dhe sigurisë së nxënësve të kësaj shkolle me vlere prej afro 20 mijë euro. Me këtë bashkëpunim janë realizuar:
-Shtrimin e sipërfaqes parkuese në hyrje të shkollës me siperfaqe 320 metra katrorë, ndërtimi i një muri me gjatësi 35 metra dhe lartësi 1.2 metra, si dhe vendosja e shtyllave mbrojtëse përgjatë magjistrales me gjatesi 53 metra.
-Ndërtimi i tri shkallëve ulëse për shikues në dy anët e fushës se sportit me dimenzione standarde si dhe ndërrimi i rrethojes së dëmtuara të fushës së sportit dhe përforcimi i tyre me rrjeta të diametrit më të madh se egzistues nga Ø2.5 ne Ø 5 mm dhe përforcmi i tyre me profil metalik.
Realizimi i këtyre projekteve ishte shkas që këto projekte edhe formalisht të përurohen dhe të jepen në shfrytëzim për nxënësit e shkollës fillore “ Ilaz Thaçi”, mirëpo në vendë të prerjes se shiritit përurimi i tyre është bërë me një simbolikë tjetër, duke e zhvilluar një ndeshje futbolistike ndërmjet ekipit të kompanisë “Sharrcem” dhe ekipit nga komuna e Hanit të Elezit. Pas një loje të mire të të dy ekipeve ndeshje përfundoi me rezultat të barabartë. Për ekipet perkatëse luajtën edhe menagjeri drejtues i kompanisë “Sharrcem” z.Emmanuel Mitsou dhe kryetari i komunës z. Rufki Suma.
Megjithatë nxënësit e shkollës fillore “Ilaz Thaçi” u kujdesën që në shenjë falënderimi për menagjmentin e kompanisë “Sharrcem” të ndajnë “Mirënjohje” dhe punime nga nxënësit e kësaj shkolle për z.Mitsou për investimet e bëra në përmirësimin e infrastrukturën shkollore.
Zyra për Informim
