Në prag të festës së Kurban Bajramit, donatorë të ndryshëm e afaristë të komunës së Hanit të Elezit u kanë dalë në ndihmë familjeve skamnore dhe individëve në nevojë .
Janë 200 familje të cilat përfituan nga një pako ushqimore, prodhime të mishit, nga Kompania “UKA-SARAJ”ndërsa këtij aktivitet humanitarë iu bashkua edhe “Abi Market” e cila përmes një donatori siguroi 1000 € të cilat i shpërndau në 10 familje në vlerë nga 100 € me artikuj ushqimorë.
Isa Shkreta aktivist në shpërndarjen e këtyre ndihmave tha se qëllimi i shpërndarjes së ndihmave të sotme është që familjeve skamnore t’u mundësohet të kenë së paku një drekë apo darkë të mirë për festën e Kurban Bajramit, ndërsa meritat për këtë i takojnë donatorëve të cilët kanë ndarë nga të ardhurat e tyre për të ndihmuar. ”UKA-SARAJ “ në vazhdimësi ka dhënë ndihma për këto treva, për këto vise, për këta njerëz, ndërsa falënderojmë edhe “Abi Market” i cili ju bashkëngjit këtij aktivitet. Jemi munduar të përzgjedhim familjet të cilat në rrethana të caktuara meritojnë këto mjete me të cilat do të kenë mundësi të organizojnë një festë sadopak të kënaqshme për Kurban Bajram. Në parim janë të përfshira ato familje dhe individë për të cilët kemi menduar se do t’ua begatojmë ditën e Kurban Bajramit ”, tha z.Shkreta.
Ndoshta nevojat janë më të mëdha që t’ju ndihmohet skamnorëve por edhe ky aktivitet sot është mirëpritur nga ata që u përfshin. Shpresojmë, që në të ardhmen të përfshihen edhe donatorë e afaristë tjerë dhe të përfitojnë sa më shumë familje tjera. Në emër të të gjithë përfituesve falënderojmë donatorë të cilët ndihmuan që edhe familjet në nevojë t’i gëzohen festës së madhe të Kurban Bajramit tha z.Shkreta.
Zyra për Informim
