Në nderim të veprës dhe sakrificës së luftëtarëve të lirisë, sot përkujtuam me nder e krenari 25 vjetorin e rënies heroike të Ilaz Thaçit e Baki Krasniqit.
Në ofenzivën sllavomaqedonase të 29 Marsit të vitit 2001 ndaj fshatrave të Kosovës, konkretisht në Krivenik dhe Seçishtë, mësuesi Ilaz Thaçi ra heroikisht në oborrin e shkollës në fshatin Krivenik, duke mbrojtur nxënësit e tij dhe ditarin shkollor, ku sot me krenari të madhe shkolla fillore në Han të Elezit mban emrin e tij, ShFMU “Ilaz Thaçi”.
Në këtë ofensivë bie heroikisht luftëtari i lirisë Baki Krasniqi, si dhe bashkëfshatari i Ilazit dhe Bakiut, Raif Thaçi. Po ashtu, humb jetën edhe gazetari anglez Karem Lawton, i cili ndodhej në këtë zonë me mision për të raportuar mbi gjendjen faktike në këtë zonë.
Me këtë rast, në 25 vjetorin e pëekujtimit të tyre, Komuna e Hanit të Elezit në bashkëpunim me ShFMU “Ilaz Thaçi”, organizuam homazhe tek shkolla muze në fshatin Krivenik e më pas tek varret e dëshmorëve Ilaz Thaçi e Baki Krasniqi. Pas homazheve, vazhduam në programin kulturo artistik kushtuar veprës së mësuesit Ilaz dhe Bakiut, ku njëkohësisht shënohet edhe dita e shkollës.
Do të jemi përherë mirënjohës dhe përulës për veprimtarinë atdhetare të çdo dëshmori të kombit!
Lavdia u takon të rënëve për liri, ndërsa respekti çlirimtarëve!
Urime Dita e Shkollës!
