Hani i Elezit 06.04.2011
Në ditën e gjashtë të regjistrimit të popullatës në Komunën e Hanit të Elezit mundë të konstatohet se ky proces shumë i rëndësishëm shtetërorë është duke shkuar shumë mirë.
23 regjistruesit e angazhuar në teren,gjatë këtyre ditëve kanë vizituar afro 586 familje me 3909 anëtarë që në përqindje sillet afro 35% ,të bashkësive familjare në këtë Komunë ,që garanton se deri në fund të afatit të paraparë ,ky proces do të përfundojë me sukses .
I tërë ky proces ka qenë i vëzhguar dhe i monitoruar si nga vëzhguesit ndërkombëtarë ashtu edhe nga monitoruesit nga Enti i Statistikave të Kosovës ,të cilët nuk kanë shënuar as edhe një vrejtje ose parregullsi.
Ishte vlerësim i përbashkët i regjistruesve se qytetarët e Komunës së Hanit të Elezit janë shumë mirë të informuar si dhe kanë treguar gatishmëri të plotë për të ndihmuar regjistruesit në grumbullimin e të gjitha të dhënave .Nuk është shënuar as edhe rast ku ndonjë familje ose individ ka refuzuar që të japë informatat e kërkuara.
Sipas Fari Kalisit anëtarë i Komisionit Komunal të Regjistrimit i gjithë materiali i nevojshëm është i kompletuar,procesi i futjes së të dhënave është duke u realizuar sipas dinamikës së paraparë,si dhe përcillen të gjitha raportet ditore për Entin e Statistikës të Republikës së Kosovës.
Zyra për Informim
