Këshilli Komunal për Siguri në Bashkësi e Komunës së Hanit të Elezit mbanë mbledhjen e tretë të rregullt për vitin 2016 dhe për rendë të ditës shqyrtoi:
-Miratimi i procesverbalit nga mbledhja e kaluar
-Gjendja e përgjithshme e sigurisë në komunën e Hanit të Elezit gjatë muajit Mars.
-Të ndryshme.
Me punën e Këshillit Komunal për Siguri në Bashkësi udhëhoqi kryetari i komunës z.Rufki Suma .
Muaji Mars shënon një muaj të veçantë sa i përket gjendjes së sigurisë në komunën e Hanit të Elezit. Nuhi Dema komandant i Stacionit Policorë në Han të Elezit tha se që nga 21 shkurti në këtë stacion nuk është evidentuar as një rast i shkeljes së rendit dhe qetësisë publike. Ai me këtë rast falënderoi banorët e komunës së Hanit të Elezit të cilët po tregojnë kulturë të lartë të respektimit të rendit publik.
Komandanti Dema tha se për ti kontribuar kësaj gjendje duhet të mënjanohen edhe disa probleme të cilat mundë të menaxhohen si për shembull vend ndalesa për autobusë apo edhe shtimi i disa shenjave të komunikacionit dhe shenja informuese. Ai tha se instalimi i kamerave nëpër pika të ndryshme ka ndihmuar shumë zyrtarët policorë dhe me këtë rast ai kërkoi që sipas mundësive të shtohen edhe disa pika monitorimi edhe në fshatrat më të mëdha.
Edhe nga Policia e Vijës së Gjelbërt dhe Policia e Vendkalimit kufitarë nuk raportohet për ndonjë rast të shkeljes së rregullave kufitare.
Xhemail Ramadani nga Policia Kufitare dhe Vahid Hyseni nga Policia e Vijës së Gjelbërt than se janë pak raste kryesisht tentime të kalimit ilegal të kufirit.
Anëtarja e KKSB-së Hyrijete Isufi ngriti çështjen e zonave të dyshuara të minuara në Dërmjak dhe Neçavc e cila u ngrit nga këshilltarët komunal Sali Vila dhe Drita Curri.
Për këtë çështje Ali Vishi anëtarë i KKSB-së nga FSK-ja i njoftoi anëtarët e KKSB-së lidhur me procedurat e parapara që për zonat potenciale të rrezikshme të kërkohet nga organet Kompetente të FSK-së të jenë të informuar. Ai u zotua se do ti njoftoj lidhur me shqetësimet e këshilltarëve komunal te zyrtarët përgjegjës të FSK-së.
Ndërsa kryetari i komunës Rufki Suma i njoftoi anëtarët e KKSB-së me aktivitete e realizuara gjatë muajit Mars. Kryetari Suma u zotua se për çështjet e ngritura dhe që janë brenda mundësive dhe kompetencave të komunës ato do të realizohen.
U potencua edhe çështja e problemeve në Magjistralen Hani i Elezit-Kaçanik sa i përket qarkullimit normal në veçanti për faktin se kjo magjistrale është e rëndësie të veçantë.
