Kompania Sharrcem Titan Grup nga Hani i Elezit sot me një solemnitet shpalosi zbatimin e praktikave mbi Qëndrueshmërinë dhe Përgjegjësinë Shoqërore Korporative (CSR), përgjatë vitit 2015 dhe njëherit shënoi 80 vjetorin e funksionimit të kësaj fabrike.
Të pranishëm në këtë ngjarje ishin zyrtarë të lartë të Qeverisë së Republikës së Kosovës znj Hykmete Bajrami, Ministre e Tregtisë dhe Industrisë, z.Lutfi Zharku Ministër i infrastrukturës, Kostas Derdemezis, Drejtor Ekzekutiv për Evropën Juglindore,Titan Group Company, Përfaqësues Diplomatik Kryetari i komunës Rufki Suma e shumë zyrtarë tjerë të ftuar.
Fjalimin e mirëseardhjes para pjesmarrësve e tha z.Emmanuel Mitsou, Drejtor Menaxhues Kompanis Sharrcem. Ai tha se 6 vite të përvojës në kompanin Sharrcem dhe në Han të Elezit do ti mbesin përjetësisht në kujtesën e tij si një model i përbashkët i suksesit të kompanis dhe i bashkëpunimit të jashtzakonshëm me komunitetin. Ai duke e vlerësuar këtë sukses e cilësoi si standard të ndërtuar dhe si model për tërë vendin se si me një përkushtim dhe mirëkuptim mundet të arrihen suksese të përbashkëta në interes të dyanshëm.
Duke komunikuar në një mënyrë të drejtpërdrejtë dhe transparente përfundimisht arritëm të ecim para dhe të zhvillohemi së bashku në mënyrë të ndërsjelltë tha z. Mitsoi”.
Ndërsa Kryetari i komunës Rufki Suma tha se sot ne fakt kemi dy çështje për të cilat duhet festuar, e para i kemi 80 vite të operimit të fabrikës, si njëri ndër punëdhënësit më të mëdhej në Hanin e Elezit dhe më gjërë, dhe në anën tjetër kemi arsye për të festuar një bashkëpunim të shkëlqyeshëm mes fabrikës dhe komunitetit në Hanin e Elezit.
Është një rast i jashtëzakonshëm i një ndërveprimi dhe ndërlidhje mes një subjekti ekonomik dhe komunitetit. Kjo ndërlidhje është diçka e cila krijohet nga individëd specifik, të caktuar të cilët besojnë në një të ardhme të tillë ku zhvillimi dhe ngritja duhet të jet e përbashkët dhe se e vetmja formulë për të hecur përpara është duke u ngritur mbi interesat e ngushta individuale dhe duke investuar në të mirën tonë të përbashkët.
Duke ju përgëzuar për punën shembullore tuajën, e në veçanti të zotëri Mitsou, i cili është gjeneratori i tërë asaj çfarë eshte positive në këtë korporatë, do të doja ta përmbyll me thënien tuaj nga raporti: të komunikojmë në një mënyrë të drejtpërdrejtë dhe transparente dhe përfundimisht të arrijmë të ecim para dhe të zhvillohemi së bashku në mënyrë të ndërsjelltë”.tha Kryetari i Komunës Rufki Suma.
Për rolin e industrisë së rëndë në zhvillimin e vendit foli znj Hykmete Bajrami, Ministre e Tregtisë dhe Industrisë ndërsa për përkushtimn e kompanisë Titan për investime në Kosovë e prezentoi z.Kostas Derdemezis, Drejtor Ekzekutiv për Evropën Juglindore,Titan Group.
CSR si praktikë e qeverisjes korporative të Titan Group Company para pjesmarrësve e prezentoi znj Maria Alexiou, Menaxhere e lartë për Përgjigjësi Sociale në Korporatë.
Pjesmarrësve në këtë ngjarje përmes video prezentimit ju prezentua Raporti mbi Qëndrueshmërin dhe Përgjegjësinë Shoqërore Korporative (CSR), përgjatë vitit 2015.
