Në vigjilie të kremtimit të “11 Qershori –Ditës së Çlirimit” të komunës së Hanit të Elezit po shënohen suksese të rëndësishme në ndërtimin e infrastrukturës që do të jetë bazë për zhvillim të përgjithshëm ekonomik afatgjatë.
Kësaj feste të madhe për banorët e komunës së Hanit të Elezit ia shtonë madhështinë përfundimi i asfaltimit të shtresës së parë të rrugës Hani i Elezit – Pustenik, që ishte projekti më i rëndësishëm për realizim në vitin 2013. Vlera financiare për realizimin e këtij projekti është 492.994.60 €.
Kjo ditë festimi do të mbetet e shënuar edhe me fillimin e realizimit edhe dy projekteve të rëndësishme të infrastrukturës rrugore në komunën e Hanit të Elezit dhe atë:
-Asfaltimi i rrugës Dheu i Bardhë – Paldenicë në vlerë prej 101.138.oo € si dhe
-Asfaltimi i “Rrugës e të Përndjekurve” nga Ura e Fejzës- Ura e Seqishtës si dhe rregullimi i shtegut të këmbësorëve përskaj kësaj rruge.Kostoja financiare për realizimin e këtij projekti kap vlerën123.687.20 €.
Me implementimin e këtyre projekteve komuna e Hanit të Elezit po realizon në tërësi objektivat e parashtrura për ndërtimin e infrastrukturës rrugore për të gjitha vendbanimet e komunës së Hanit të Elezit.Vetëm në këto tre projekte në komunën e Hanit të Elezit po investohen 717.820.00 €.
