Mundësi Arlind Curri nga klubi i mundjes “ Sharri” nga Hani i Elezit konfirmoi edhe një herë talentin e tij në sportin e mundjes.
Arlind Curii u stolis me medalej të artë në turnirin ndërkombëtar “Dinko Donkov” i cili u mbajtë në Stara Zagora të Bullgarisë me 13 prill 2013.
Në këtë turnir ndërkombëtarë garuan 503 mundës më të mirë të botës, kryesisht nga vendet ku mundja si sport është tradicionalisht e zhvilluar si Rusia, Gjeorgjia, Armenia, Turqia, Bullgaria, Lituania, Letonia e Maqedonia e Kosova.
Përfaqësuesja e Kosovës në këtë garë mori pjesë me 4 mundës njëri prej tyre mundësi Arlind Curri nga Hani i Elezit i cili në kategorin 58 kilogram u stolis me medaljen e artë
Në këtë turnir me renome ndërkombëtare kemi marrë pjesë edhe më herët, tha Arlind Currit por është hera e parë që fitohet medalje e artë për përfaqësuesen Kosovës, dhe kjo u arrit falë ushtrimeve dhe angazhimeve në kuadër të klubit të mundjes “ Sharri” në Han të Elezit.
Për të uruar për këto të arritura, kryetari i komunës Rufki Suma priti mundësin Arlind Currin si dhe trajnerin Zyber Xhonin dhe Kryetarin e Klubit të mundjes “Sharri” nga Hani i Elezit, Sadat Currin .
Ata në bashkëbisedim me kryetarin Suma shpalosën përvojat e fituara nga sukseset e arrituara të këtij klubi në tërësi, si dhe sukseset individuale të mundësve në veçanti, që do të jenë mundësi e mirë për angazhimin e tyre në promovimin sa më të mirë të sportit në komunën e Hanit të Elezit.
Në anën tjetër ishte edhe zotimi i kryetarit Suma se në vazhdimësi do të përcjellë të arriturat e këtij klubi dhe për aq sa do të jenë mundësit buxhetore të komunës do të përkrah këtë klub por edhe ata individë që me rezultate dhe të arritura do të dëshmojnë angazhimin e tyre.Edhe nga kryetari i komunës Rufki Suma mundësi Arlind Curri morri një shpërblim modest në shenjë të mirënjohjes për rezultatin e arritur.
Zyra për informim
