Hani i Elezit 11.07.2012
Ambasada e Republikës së Maqedonisë në Prishtinë në bashkëpunim me Ministrin e Mjedisit dhe Planifikimit Hapësinor( MMPH) të Kosovës, organizuan një takim pune në Shkup në të cilën është biseduar lidhur me problemin e nivelit të ndotjes së ujrave të Lumit Lepencë.
Me kërkesë të Ambasadës së Maqedonisë në këtë takim përveç zyrtarëve të Lartë nga MMPH-së, ishin të ftuar edhe kryetarët nga komuna e Hanit të Elezit ,Rufki Suma, Kaçanikut ,Besim Ilazi si dhe Ferizajit ,Agim Aliu,komuna këto nëpër të cilat kalon Lumi Lepenc dhe lumi Nerodime, rrjedha e të cilave bashkohet me Lumin Vardarë.
Nga pala Maqedone në takim morrën pjesë përfaqësues të Ministrisë së Mbrojtjes së Mjedisit dhe Planifkimit Hapsinorë,kryetari i qytetit të Shkupit Koce Trajanov,të komunës Gjogje Petrov,Sokol Mitrovski dhe nga komuna Qyqer Sandevo,Jovan Pejkovski.
Në dokumentin ftesë për rendë dite ishin propozuar për diskutim;
-Informata për nivelin e ndotjes së ujrave të Lumit Lepencë
-Informata mbi nivelin e ndotjes së Lumit Lepencë në anën Maqedone, si dhe propozim masat për zvoglimin e ndotjes së ujrave të lumit Lepencë-
-Propozim për përgatitjen e një projekti ndërkufitarë për mbrojtjen e ujrave të Lumit Lepencë.
Me qëllim të bashkëpunimit ndërmjet dy shteteve, Ambasada e Maqedonis në Kosovë ka inicuar këtë takim në bashkëpunim me MMPH-në e Republikës së Kosovës,pas vlerësimeve që kanë dale nga takimi i ekspertëve të palës Maqedone ,me ç’rastë është bërë prezentimi i matjeve më të reja të nivelit të ndotjes së Lumit Lepencë dhe është konstatur nivel i lartë i ndotjes së ujrave me përmbajtje të ujrave të zeza dhe ato industriale që në hyrje të Republikës së Maqedonisë.
Kryetari i komunës së Hanit të Elezit Rufki Suma tha se takimi kishte karakter të prezentimit të të dhënave të cilat i ka konstatuar pala maqedone për nivelin e ndotjes së ujrave si dhe të inicohen propozim masa nga dy anët e kufirit për përmirësimin e gjendjes së ujrave të Lumit Lepencë.
Jemi dakorduar që të formohen grupe punuese në nivel të expertëve nga të dy shtetet të cilat do të inicojnë propozim masat e nevojshme për tejkalimin e kësaj gjendje si dhe hulumtimin e mundësive për ndonjë projekt të përbashkë për mbrojtjen e ujërave tha z. Suma.
Zyra për Informim
