Patëm kënaqësinë të mirëpresim përfaqësuesit e Zyrës së BE-së në Kosovë në një vizitë monitorimi në kuadër të projektit “A Smart System for Early Floods Detection and Waste Monitoring in the Lepenec River Basin”.
Qëllimi i kësaj vizite ishte shqyrtimi i statusit dhe progresit të deritanishëm të projektit, i cili po realizohet në kuadër të bashkëpunimit ndërkufitar ndërmjet Komunës së Hanit të Elezit dhe Komunës Gjorgje Petrov.
Gjatë takimit dhe vizitës u diskutua për aktivitetet e zhvilluara deri më tani, hapat e ardhshëm si dhe rëndësia që ky projekt ka për mbrojtjen e mjedisit, monitorimin e mbeturinave dhe përmirësimin e sistemit të paralajmërimit të hershëm për vërshime në pellgun e lumit Lepenc.
Ky projekt përfaqëson një shembull të mirë të bashkëpunimit ndërkufitar dhe të përkushtimit të përbashkët për mbrojtjen e mjedisit dhe rritjen e sigurisë për qytetarët e të dy komunave.
Falënderojmë Zyrën e BE-së në Kosovë për mbështetjen dhe bashkëpunimin e vazhdueshëm në realizimin e këtij projekti të rëndësishëm.
