Sot, në Ditën Ndërkombëtare të Infermierëve, shprehim mirënjohjen më të thellë për të gjithë infermierët dhe infermieret që me përkushtim, profesionalizëm dhe humanizëm kujdesen për shëndetin e qytetarëve tanë çdo ditë.
Punonjësit e kujdesit shëndetësor janë shtylla e sistemit tonë shëndetësor, dhe roli i infermierëve është jetik në çdo hap të trajtimit dhe rehabilitimit të pacientëve. Ju falënderojmë për sakrificat, për përballjen me sfidat dhe për buzëqeshjen që shpesh është ilaçi i parë që i jepni një pacienti.
Ndërkaq nga Oda e Infermierëve të Kosovës, me propozimin nga QKMF Hani i Elezit, infermierja Hanife Ballazhi u dekorua me mirënjohje, për të vlerësuar kontributin shumëvjeçar me profesionalizëm të lartë të saj në QKMF Hani i Elezit.
Ndërkaq edhe sot, infermierët tanë bënë detyrën e tyre hyjnore, ku dhanë shërbime mjekësore falas para objektit të komunës.
Në emër të Komunës sonë, ju uroj një Ditë të Infermierëve të mbushur me respekt dhe vlerësim – ashtu siç e meritoni!
