Hani i Elezit 26.09.2011
Kuvendi i Komunës së Hanit të Elezit mbajti sot mbledhjen e sajë të nëntë të rregullt për vitin 2011.
Në këtë seancë për rend të ditës para këshilltarëve ishin;
1.Miratimi i procesverbalit nga mbledhja e kaluar
2.Propozim vendimi për miratimin e Planit Zhvillimorë Komunal dhe Planit zhvillimorë Urbanë
3.Miratimi i Draft Buxhetit për vitin 2012 si dhe parashikimet për vitet 2013-14
4.Informatë për fillimin e vitit shkollorë 2011-2012
5.Shqyrtimi i Fakteve të grumbulluara për ngritjen e padisë kundër Serbisë për krime lufte
6.Propozim vendimi për ndërrimin e emërtimit nga zyra pritëse në zyre për shërbim të qytetarëve sipas udhëzimit administrativ Nr 2011/3
7.Miratimi i propozim vendimit për hartimin e planit lokal të veprimit në mjedis.
8.Miratimin e propozim vendimit për themelimin e Zyrës për komunitete dhe kthim.
9.Pyetje dhe përgjigjeje.
Pas miratimit të procesverbalit nga mbledhje e kaluar, me kërkesë të këshilltarit Shaban Çupit pika e pestë e rendit të ditës – Shqyrtimi i Fakteve të grumbulluara për ngritjen e padisë kundër Serbisë për krime lufte, u vendos që të shtyhet për mbledhje e ardhshme të kuvendit ,në mënyrë që komisioni të mundë të takohet edhe një herë për të nxjerrë një draft dokument përfundimtarë dhe të ja prezantoj për miratim kuvendit.
Propozim vendimi për miratimin e PZHK dhe PZHU-së gjeti përkrahje unanime të këshilltarë të Kuvendit Komunal ,me që rast u theksua se me miratimin e këtyre dokumenteve strategjike komuna e Hanit të Elezit ka trasuar konceptin e zhvillimit afatgjatë si strategjik ashtu edhe urban,
Ajo që në veçanti e bënë më të rëndësishme vlerën e këtyre dokumenteve është se ato janë hartuar nga stafi komunal me ndihmën e UN-HABITAT-it duke kaluar nëpër të gjitha procedurat ligjore të parapara për miratimin e tyre.
Komuna e e Hanit të Elezit është e vetmja komunë në Kosovë që ka arritur që të bëjë një dokument të tillë ku në tërësi janë precizuar specifikat zhvillimore afatgjate dhe strategjike të komunës .
Miratimi i Draft Buxhetit për vitin 2012 si dhe parashikimet për vitet 2013-14 me disa vërejtje dhe sygjerime u miratua me shumicë të votave .
Sipas këtij dokumeti komuna e Hanit të Elezit për vitin 2012 do të ketë buxhetin në vlerë prej 1.686.727 €.
Nga këto mjete për shpenzime kapitale egzekutivi i komunës do të ketë 493.024 € të cilat me vendim të kuvendit planifikohen të realizohen gjithsej 34 projekte.
Pikat e tjera të rendit të ditës me disa kërkesa për plotësime u miratuan me shumicë të votash.
Zyra për Informim
