Ministri Hyseni fillimisht zhvilloi takim me Nënkryetarin e Komunës së Hanit të Elezit z.Menduh Vlashin, Kryesuesin e Kuvendit z. Qamush Brava dhe Drejtorin e Shërbimeve Publike z.Refet Kalisin.
Zyrtarët e lartë komunal e njoftuan Ministrin Hyseni me zhvillimet e përgjithshme në komunën e Hanit të Elezit si dhe me të arriturat dhe sfidat e kësaj komune .
Nënkryetari Vlashi u ndal edhe në funksionimin e Këshillit Komunal për Siguri në Bashkësi.
Ai tha se këshilli është I themeluar në përputhje me udhëzimet administrative dhe se funksionon shumë mire. Mbledhjet e këtij këshilli janë të rregullta dhe mbahen çdo të premte të fundit të muajit dhe se jemi ndoshta e vetmja komunë që këtë këshill e kemi shumë funksional dhe të rregullt. Nënkryetari Vlashi pati edhe kërkesa konkrete për Ministrin që do të kontribonin në gjendjen e përgjithshme të sigurisë. Ai përmendi nevojë e shtimit të numrit të zyrtarëve policorë, nevojën për objekt të ri për stacionin Policorë në Han të Elezit, shtimin e numrit të zjarrëfikësve për njësin e Hanit të Elezit, kërkesa këto që Ministri Hyseni I morri si shumë të arsyeshme dhe me premtim se do të angazhohet që për aq sa janë mundësit edhe të realizohen.
Pas takimit me zyrtarë e lartë komunal, Ministri Hyseni zhvilloi takim edhe me Këshillin Komunal për Siguri në Bashkësi.
Duke i përshëndetur dhe uruar për punën e suksesëshme që janë duke bërë anëtarët e KKSB-së Ministri Hyseni tha se kjo vizitë po realizohet me qëllim që debatin mbi sigurinë ta zbresim në nivel të komunave ku mesazhi do të depërton ma shpejt, dhe askush ma mirë se ju në komuna nuk mundë ta dërgojë mesazhin për veprime konkrete kundër dukurive që mundë ta godasin Kosovën si shtet.
Ai kërkoi nga KKSB-së që të bëjë më shumë në sensibilizimin e shoqërisë, kundër ekstremizimit të dhunshëm, radikalizmit me motive fetare që po shkakton dëme të konsiderueshme Republikës së Kosovës si në rrafshin e brendëshëm ashtu edhe atë ndërkomëtarë.
Në veçanti ai kërkoi nga të gjithë që të kontribojnë në parandalimin e këtyre dukurive sidomos të të rinjve që të distancohen nga radikalizmi fetar.
“Kosova shquhet për harmoni ndër-fetare dhe çfarëdo përpjeke për mos tolerancë është e papranueshme”, Feja islame është fejë shumë e pastër, që bënë ftesë për paqe dhe nuk duhet të lejojmë që individë të papërgjegjëshë dhe për interesa personale fëmijët tanë të vriten në luftra që nuk kanë të bëjnë asgjë as me Kosovën e as me fenë Islame tha ministri Hyseni.
Anëtarëve të KKSB-së iu drejtua edhe z.Fatos Makolli, Shef i Njësisë Antiteroristë të MPB-së.Ai tha se Komuna e Hanit të Elezit është në interes të veçantë për shkak të pozicionit si vendkalim kufitarë. Ai tha se KKSB-të dhe qeveritë lokale duhet të shtojnë aktivitetin e tyre dhe mekanizmat për të parandaluar çfardo forme të islamit radikal.
Ai propozoi që të organizohen edhe fushata senzibilizuese, të organizohen më shumë aktivitetet për të rinjë, përmes policimit në komunitet të bisedohet për të gjitha problemet por edhe të bisedohet me të gjitha ato familje të cilat mundë të jenë viktime potenciale të këtyre dukurive.
