Hani i Elezit 09.02.2011
Përkundër vështërsive me të cilën është përballur edhe komuna e Hanit të Elezit nga reshjet e mëdha të borës dhe temperaturat shumë të ftohta ,gjendja e përgjithshme është menagjuar me sukses.
Nga raportet e Drejtorisë së shërbimeve publike dhe të urbanizmit ,del se të gjitha rrugët janë të hapura dhe të kalueshme ,normalisht me kujdes të shtuar.
Rrugët që gjatë gjithë kohës kanë kërkuar kujdes dhe angazhim të shtuar janë rrugët në drejtim të fshatrave Gorancë,Krivenik ,Dimcë dhe Paldenicë,që kanë qenë edhe më të goditurat ,dhe të cilat janë me numër më të madhe të banorëve.
Angazhimi i Ndërmarrjes Publike Komunale,,Pastërtia” ,kompanisë së kontraktuar ,,Eskavatori” nga Ferizaj njësisë së zjarrëfikësve si dhe Administratorët e fshatrave me vullnetarët bënë që komuna e Hanit të Elezit gjatë gjithë kohës të ketë nën kontrollë këtë situatë emergjente.
Përkundër vendimit të komunave tjera për shpallje të gjendjes së jashtëzakonshme ,kryetari i komunës Rufki Suma, vendosi që të shfrytëzohen të gjitha potencialet vetanake dhe të menagjoj këtë situat me një koordinim të mirë me të gjithë ata që munden të kontribojnë në këtë kohë.
Fatmirësishtë gjatë gjithë kohës është arritur që të ketë lidhje edhe me të gjitha lagjet periferike ,dhe se për as një moment të mos paraqitet rrezik për as edhe një qytetarë.
Lidhjet e komunikimit dhe të furnizimit me gjëra të domosdoshme për jetë kanë qenë gjatë gjithë kohës aktive gjë që ka rezultuar edhe siguri të përgjithshme te qytetarët.
Për të iu përgjigjur këtyre rrethanave edhe QKMF,,Menduh Kaloshi” ka shtuar mobilizimin e sajë duke intervenuar dhe ndihmuar aty ku ka qene nevoja.
Pavarsisht këtyre ecurive ekzekutivi i komunës së Hanit të Elezit mbetet në gadishmëri për tu përballur me rrethana të reja.
Zyra për informim
