Hani i Elezit 10.06.2013
Dita e fundit e “Javës Kulturore-Hani i Elezit 2013” është përmbyllur me një varg të aktiviteteve kulturore e sportive.
Nga ora 10.oo holli i shtëpisë së Kulturë ,,Imri Curri “ është shëndruar në Galeri Artistike falë punimeve të Elma Kalisit nxënëses së shkollës së mesme të ulët ,,Ilaz Thaçi” nga Hani i Elezit
Para shumë qytetarëve artdashës ajo shpalosi ekspozitën e sajë individuale të artit figurativ Në hapjen, kësaj ekspozite ishin edhe nënkryetari i komunës Muzafer Dernjani, kryesuesi i kuvendit të komunës Menduh Vlashi e shumë të ftuar e qytetarë të komunës së Hanit të Elezit, të shoqëruar nga vet autorja, të cilët mbetën të mahnitur me punimet e kësaj nxënëseje.
Aktivitet sportive të kësaj dite filluan në ora 11.oo me ,,Vrapimin Tradicional" i cili organizohet me rastin e 11 Qershorit Ditës së Çlirimit të Hani të Elezit .
Mbi 100 atlet të moshave dhe kategorive të ndryshme nga të gjitha viset Shqipëtare ishin paraqitur në linjën e garimit për tu bërë pjesëmarrës në këtë ngjarje sportive.
Nën patronatin e Komunës së Hanit të Elezit këtë ,,Vrapim Tradicional" e organizoi Federata e Atletikës e Kososovës e cila këtë garë e ka futur në orarin e garave zyrtare të atletikës së Kosovës. Federata e Atletikës së Kosovës është përkujdesur që për të gjithë fituesit të ndajë Mirënjohje dhe Kupa dhe ka sponzoruar këtë aktivitet sportiv me 3500 € si dhe Departamenti për Kulturë Rini dhe Sport me 1032 €.
Shtegu i cili ishte i planifikuar për të gjitha kategoritë e garuesve ju mundësoi atletëve të demonstrojnë aftësitë e tyre në mënyrën më të mirë të mundshme, dhe të përmbyllet në përputhje me standardet e kësaj federate.
Fituesit e ,, Vrapit Tradicional – Hani i Elezit 2013" për këtë vit janë:
Suad Kryeziu -në kategorinë Senior M-8000 m – Kamenicë
Gresa Bakraqi-në kategorinë Senior F-8000 m – Pejë
Valentin Sadiku-në kategorinë Juniorë M-4000 m – Mitrovicë
Brikenda Bakraqi-në kategorinë Juniore F-4000 m-Pejë
Qlirim Hyseni – në kategorinë Pionerë M -2000 m Mitrovicë
Laura Hyseni – në kategorinë Pionerë F-2000 m Mitrovicë
Gazmend Shala- në kategorinë Veteran 4000 m Podujevë
Arife Imishti – në kategorinë Nxënëse 2000 m Sh.F “ Ilaz Thaçi” Hani i Elezit
Menderez Rexhallari në kategorinë nxënës 2000 m Sh.M “Dardania” Hani I Elezit
Kupat shpërblimet dhe mirërnjohjet i ndanë punëtorë dhe aktivistë të shquar sportist nga Federata e Atletikës së Kosovë dhe nga Komuna e Hanit të Elezit.
Aktivitet e kësaj dite përfunduan me finalen e turnirit të futbollit të vogël e cila u zhvillua në ora 19.oo para shumë shikuesve në fushën e sportit të SH.F “Ilaz Thaçi”.
Në garën eliminatore, nga 24 ekipet garuese, në finale u gjenden ekipet,,007’’ nga Hani i Elezit dhe ,,Bardhi’’ nga Bllaca e Shkupit.
Pas një loje dinamike dhe shumë të mirë të treguar nga dy ekipet, vendit të parë iu gëzuan anëtarët e ekipit futbolistik ,,007’’ të cilët e fituan ndeshjen me rezultat 4:3.
Dy ekipet finaliste komuna e Hanit të Elezit i shpërbleu me veshje sportive të cilat i shpërndau Drejtori i Drejtorisë për Kulturë Rini dhe Sport, Nesim Dernjani, ndërsa kupën për ekipin fitues,,007’’ të turnirit të këtij viti e ndau Kryetari i Komunës Rufki Suma .
Për realizimin e ,,Javës Kulturore“ Hani i Elezit 2013, Komuna e Hanit të Elezit u ndihmua nga Ministria e Kulturës- Departamenti për Kulturë Rini dhe Sport dhe donatorë të tjerë.
Zyra për Informim
