Hani i Elezit 29.08.2012
29 Gushti ,, Dita e Dëshmorëve të Hanit të Elezit’’ është radhitur në kalendarin e festave zyrtare të komunës për të nderuar luftën e lavdishme të UÇK-së ,të gjithë ata që luftuan e punuan ,por në veçanti për të nderuar sakrificën e Dëshmorëve dhe Familjeve të tyre .
Pas Homazhit në kompleksin e varrezave të dëshmorëve në Puset e Nikës ,ku përfaqësues të institucioneve, shoqatave të dala nga lufta ,subjekteve politike e të shumë qytetarëve të cilët u përkulën dhe vendosën buqetë lulesh ,manifestimi qendrorë u mbajt para shtëpisë së kulturës ,,Imri Curri “ në Han të Elezit.
Ish oficerë,ushtarë dhe invalidët e UÇK-së, Familjet e Dëshmorëve ,përfaqësues të Shoqatave të dalura nga Lufta e UÇK-së të nivelit qendrorë dhe atij lokal,përfaqësues të FSK-së,Policisë së Kosovës , zv. Ministri i MPMS-së z. Berat Luzha, zyrtarë nga Ministria e punëve të Brendshme,kryetari i komunës së Kaçanikut z. Besim Ilazi,Drejtori i Asociacionit të Komunave të Kosovës z. Sazan Ibrahimi , oficerë të lartë të Ushtrisë Shqiptare të cilët janë në misionin e NATO-s në cilësinë e këshilltarëve të FSK-së,këshilltarë komunal ,qytetarë të komunës së Hanit të Elezit e shumë qytetarë tjerë nga viset e ndryshme , ishin të pranishëm para Shtëpisë së Kulturës ,,Imri Curri” në manifestimin qendrorë .
Duke iu drejtuar të pranishmëve kryetari i komunës Rufki Suma tha se kjo ditë na kujton 29.Gushtin e vitit 1999 ,të 13 viteve më parë kur në Puset e Nikës ishin tubuar mijëra qytetarë për të rivarrosur eshtrat e ushtarëve të rënë në fronte të ndryshme të Luftës së UÇK-së.
Këto janë ditët e shënuara që kanë ndryshuar historinë e kësaj shoqërie në një realitet të ri ,të jetojmë në liri të cilën e gëzojmë për ditë e më shumë.
Dëshmorët janë ata para të cilëve përulemi me respektin më të madh sepse ata u vendosën në mbrojtje të popullit ,ata janë Bijtë e Juaj ,të kësaj treve të cilët krah për krah me bashkëluftarët e tyre nën emblemën e UÇK-së , realizuan idealin tonë për Liri dhe Pavarësi.
Ky vit shënon 100 vjetorin e Pavarësisë së shtetit Shqiptarë,përkujton 100 Vjetorin e Maskrës së Dermjakut të kryera nga gjenerali famëkeq Bozhidar Jankoviqne në fshatrat e rajonit të Hanit të Elezit , Kaçanikut e më gjerë,ky vit shënon 100 Vjetorin e Kuvendit të Junikut,100 Vjetorin e Çlirimit të Shkupit.
Ky përvjetorë duhet të shërbejë si një lidhje me brezat e kaluara të dëshmorëve dhe të Rilindasëve të kombit të përshkruara me sakrifica dhe dhimbje por që na lanë në amanet dhe trashëgimi 100 vjet të Shtetit ,Kombit dhe Flamurin Kombëtarë Shqiptarë.
Shqiptarët gjithnjë kanë qenë dhe duhet të jenë të bashkuar ,dhe se nuk do të na ndajë askush as me gurë e as me kufij ,jemi një popull ,kemi një gjuhë ,një histori e një Flamur,kemi një tokë e një emër ,,Shqiptarë” dhe një atdhe që quhet Shqipëri tha z. Suma në fjalim e tij para pjesëmarrësve .
Xhavit Jashari ,Kryetari i Shoqatës së Familjeve të Dëshmorëve tha se ditët dhe përvjetorët e Dëshmorëve përkujtohen në të gjitha trevat Shqiptare ,mirëpo Komuna e Hanit të Elezit dhe Kryetari z.Suma janë shembulli më i mirë se si duhet respektuar Dëshmorët e Kombit .
Për të përkujtuar veprën e Dëshmorëve të Hanit të Elezit , Këshilli i Shoqatës së Familjeve të Dëshmorëve të Hanit të Elezit ka botuar Monografi për Dëshmorët e Komunës së Hanit të Elezit ,,Flakadanët e Lirisë” e cila zyrtarisht do të promovohet gjatë muajit shtator ,por që në simbolikë të këtij përvjetori nga një ekzemplarë iu dhurua Familjeve të Dëshmorëve.
Manifestimi me rastin e ,, 29 Gushtit Ditës së Dëshmorëve” u përmbyll me një program muzikorë të përgatitur nga SHKA ,, SHARRI” nga Hani i Elezit
Zyra për Informim
